Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.

Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.

„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.

Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.

„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.

Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.

Фото/ ffm.mk

Фудбалската репрезентација на Македонија, вечерва ќе ја пречека Белгија во квалификациите за пласман на Светското првенство, кое за 13 месеци ќе се одржува во САД, Канада и Мексико.

Македонија ќе го одигра третиот натпревар во Ј групата, додека Белгија во Скопје ги отвора квалификациите за пласман на Мундијалот.

Белгија не играше во март, бидејќи имаше обврски во Лигата на нации, а Македонија одигра два натпревари, победи кај Лихтенштајн и одигра нерешено со Велс.

„Мора да сме на својот максимум, па ќе видиме што ќе ни донесе тоа. Овој јунски период години наназад ни е проблематичен. Што се однесува до сегашната ситуација, мора да го смениме тој менталитет индивидуално и како тим. Тоа што го видов изминатите седум дена ми дава за право да бидам оптимист дека овој јуни ќе биде поинаков. Менталитетот на играчите е поинаков отколку досега, атмосферата и енергијата се одлични. Без оглед на повредите, во текот на овие денови имаме дополнителни проблеми. Под знак прашалник се Алими, Димоски и Трапановски, но се надевам дека ќе бидат способни да заиграат. Се надевам дека на физички план ќе бидеме поподготвени од минатото“, рече на прес конференцијата пред натпреварот, селекторот на Македонија Благоја Милевски.

На сите им е јасно дека Белгија е исклучително квалитетен тим, покрај тоа и традицијата не и оди во прилог на Македонија.

Вечерва, Македонија и Блегија ќе го одиграат петтиот меѓусебен дуел. Претходните дуели беа во квалификациите за пласман на Европското првенство во 1996 година и Светското првенство во 2014 година.

Белгија има три победи, еден натпревар завршил нерешено, првиот пред три децении, кога во Брисел Македонија одигра 1:1. Гол разликата е 9:1 во корист на Белгија.

Белгија во Скопје ја интересира само победата и ништо друго. Тоа го потврди селекторот Руди Гарсија, кој е пожали на временските прилики во главниот град на Македонија.

„Дојдовме да победиме. Го анализиравме противникот. Сите се спремни. Не чека тежок дуел,ќе влеземе без потценување. Македонија прави притисок и ги користи грешките на противникот. Македонија веќе има четири бода.За нас е необично што почнуваме од последната позиција на табелата. Македонија е силна, но ние ќе дадеме се од себе да победиме“.

Натпреварот ќе стартува во 20.45 часот, ќе го суди Англичанецот Кавана. По дуелот со Белгија, Македонија патува во Астана, каде на 9.јуни ќе игра против Казахстан.

Младиот англиски репрезентативец Лиам Делап потпиша договор со Челзи. На „Стенфорд Бриџ“ пристигна за 30 милиони фунти, откако неговиот Ипсвич испадна од Премиер лигата. Делап ќе го носи бројот девет на грбот, број за кој навивачите на Челси сметаат дека е „проколнат“.

Неколку славни имиња пред Делап ја носеа деветката во Челси, но не се прославија. Порад тоа навивачите семетаат дека овој број е „проколнат“.

Ова суеверие не го обесхрабри 22-годишниот Лиам Делап, кој минатата сезона постигна 12 гола во Премиер лигата.

Би-би-си потсети на некои врвни голгетери, кои во претходните 10 години го носеа дресот со број девет во Челзи и не се прославија.

Тоа се Радамел Фалкао (без голови на 12 натпревари), Пјер-Емерик Обамејанг (три гола на 21 натпревар), Ромелу Лукаку (15 на 58), Алваро Мората (24 на 72), Фернандо Торес (45 на 172)…

Интересно е што, во минатото бројот девет на „Стемфорд Бриџ“ пред десет години го носеше и дефанзивецот Халид Буларуз, можеби затоа што некои напаѓачи не го сакаа тој дрес поради „проклетството“.