Македонскиот репрезентативен напаѓач Адис Јаховиќ уште еднаш покажа дека е во одлична форма, откако постигна два гола за неговите Гозтепе во мечот од 15. коло во Турската Суперлига, пресметката за опстанок со Газијантеп.

Јаховиќ прво во 38. минута им донесе водство на домаќините со гол од пенал, за во судиското продолжение од првото полувреме, успешно да ја избегне офсајд стапицата на Газијатеп, за со убав удар да зголеми на 2:0.

Сепак, на мечот не му недостасуваше драма. Нигериецот Обина Нвободо успеа да добие два жолти картона за само седум минути (51. и 58.), оставајќи ги Гозтепе во незгодна положба со играч помалку. Само две минути подоцна Реџеп Нијаз намали на 2:1, но, за среќа, до крајот на мечот домашниот тим успешно се одбрани.

Гозтепе го очекува тешка битка за опстанок во Турската Суперлига, каде што испаѓаат четири тима – тие се на 17. место со 14 поени, четири помалку од 16-пласираниот Газијантеп.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-62-37466”));

Францускиот спортски весник „Л’Екип“ тврди дека Лионел Меси не бил импресиониран од тренерските способности на Маурисио Почетино, сметајќи дека клубот може да тргне напред со подобар тренер.

Почетино беше именуван за тренер на ПСЖ на почетокот на 2020 по отказот кој го доби Томас Тухел и минатата сезона во драматичен финиш ја загуби француската титула од Лил. Притисокот на Аргентинецот се зголеми ова лето кога ПСЖ се засилија со Меси, Серхио Рамос, Ашраф Хакими и Џанлуиџи Донарума.

49-годишниот Почетино се мачи со менаџирањето на своите ѕвезди, посебно со неверојатното напаѓачко трио Меси-Нејмар-Килијан Мбапе, а тука беа и шпекулациите дека сака да ја прифати понудата на Манчестер јунајтед.

Меси и неговите луѓе се загрижени за слабата тактика на клубот и недостаток на вистински план на игра, кој најдобро се покажал при поразот од Манчестер сити. Почетино нема користено исти стартни 11 два меча во низа оваа сезона.

Според „Ла газета дело спорт“, Интер уште сега размислуваат да му го продолжат договорот на Симоне Инзаги до јуни 2025 година, откако тој успеа да го оддржи темпото по минатогодишната шампионска сезона на Антонио Конте.

Постоеја многу сомнежи дали Инзаги ќе биде подготвен да го крене тимот, кој остана без Ромелу Лукаку и Ашраф Хакими, но Интер во моментов се втори во Серија А со само еден поен зад градските ривали Милан, и се квалификуваа за осминафиналето на Лигата на шампионите, каде што можат да бидат и први во групата ако утре ги победат Реал Мадрид на гости.

45-годишниот поранешен тренер на Лацио потпиша двегодише договор ова лето, но во Интер сакаат да му ја дадат поддршката со нов двегодишен договор и со повисока плата. Инзаги добива 4.5 милиони евра по сезона во Интер, а со новито договор оваа сума ќе порасне на 6 милиони евра.

Inter pazza di Inzaghi: ecco il piano per rinnovare fino al 2025 #calciomercato https://t.co/pzX1ovP5uN

— La Gazzetta dello Sport (@Gazzetta_it) December 6, 2021