Фудбалерите во Романската лига ќе ги очекува казна од 12 меча суспензија доколку плукаат на меч според новиот протокол подготвен од Романската фудбалска федерација (ФРФ).

Романците планираат да ја продолжат сезоната во првата лига од 13 јуни доколку тоа го потврди владата откако во средината на март беа прекинати натпреварите поради корона вирусот.

Документот кој го објави федерацијата предвидува суспензија од 6 до 12 меча за плукање или дување на нос, а фудбалерите исто така нема да смеат да го менуваат дресот со противничките фудбалери и ќе мора да го однесат дома и сами да се погрижат тој да е чист.

Фудбалерите исто така треба да се на два метри еден од друг при загревањето, а стартните 11 нема да можат да бидат заедно со замените пред мечевите.

Дали, конечно, ќе се забрани плукањето во фудбалот?

На денешен ден во 2006 година, во Монако се оддржаа најдраматичните квалификации за славната трка, кога Михаел Шумахер беше наречен „супер-злосторник“ по „паркирањето“ на кривината Раскас и оневозможувањето на Фернандо Алонсо да го комплетира својот најбрз круг.

Германецот дотогаш имаше поставено најбрзо време, но пол-позицијата беше далеку од сигурна, откако Алонсо во Рено, по три победи и две втори места, беше само 0.064 секунди зад него. Пред претпоследната секција на патеката, Шумахер се изврте на кривината Красас и се паркираше оневозможувајќи тие зад него да го комплетираат кругот.

Шуми се правдаше дека направил грешка и не знаел каде ќе заврши, но ривалите (со право) не му веруваа.

„Бидејќи не сме Снежана и седумте џуџиња, сите знаеме дека тоа што го направи е неспортски“, изјави шефот на Рено, Флавио Бријаторе.

Стјуардите се согласија и му ја одземаа пол-позицијата и го пратија на последното место. Алонсо, на крајот, стигна до лесна победа пред Хуан Пабло Монтоја во Мекларен и Дејвид Култард за прв подиум на тогаш новиот тим на Ред бул рејсинг.

Шумахер врати во стил, со петто место во трката и не беше многу загрижен за контроверзите.

„Што и да направите во одреден момент, вашите непријатели мислат нешто друго, а тие кои навиваат за тебе имаат поинакво мислење. Но, тоа е светот во кој живееме“, изјави Шумахер.

Сер Алекс Фергусон пропуштил неверојатна шанса да го донесе Герет Бејл во Манчестер јунајтед бидејќи бил загрижен за неговите дефанзивни квалитети, открива поранешниот менаџер на Саутемптон, Џорџ Барли.

Барли открива дека преговарал со Фергусон за Бејл, но дека не можеле да се договорат за цената.

„Тој беше како крило кое игра како бек. Манчестер јунајтед беа заинтересирани и се сретнав со Сер Алекс и со неговиот извршен директор во еден хотел. Веќе го имавме продадено Тео Волкот за 12 милиони фунти во Арсенал и кога тие понудија 3 или 4 милиони фунти им кажавме дека нема шанси. Беа загрижени за неговите квалитети во одбраната, но ние работевме на тоа“, вели Барли.

На крајот, Бејл замина во Тотенхем во 2007 за 5 милиони фунти, каде што исто така играше како крило, пред Хери Реднап да го постави во нападот. Во 2013 година, тој си замина од „Вајт харт лејн“ за тогаш рекордни 83 милиони фунти, освојувајќи една титула од Ла лига и четири од Лигата на шампионите со „кралевите“.