Спорт
Дербито Дортмунд-Шалке ќе биде „шоу“ на младите фудбалски ѕвезди
Едно од најголемите дербија на германскиот фудбал, „Ревиердерби“, дуелот помеѓу Борусија Дортмунд и Шалке во сабота ќе биде совршена прилика да се рестартира германскиот фудбал по кризата со корона вирусот, но исто така ќе претставува и супер-интересна пресметка на млади талентирани фудбали на кои им се предвидува блескава иднина.
Најлутото ривалство во Германија секогаш е едно од најгледаните во германскиот фудбал, а сега двата најголеми тима од Северна Рајна Вестфалија ќе имаат совршена шанса да им покажат на фановите одличен фудбал.
Борусија Дортмунд и Шалке се два клуба кои дадоа најмногу минути на фудбалери под 21 година оваа сезона – 22.3 отсто од сите минути на Дортмунд и 19.1 отсто од сите минути на Шалке. Како за споредба, Унион Берлин уште немаат ниту една минута на фудбалер под 22 години.
Домаќините од „Вестфален“ во јануари го додадоа 19-годишниот Норвежанец Ерлинг Халанд за 20 милиони евра од Ред бул Салцзбург, постигнувајќи апсолутно неверојатни 12 гола во првите 11 меча за ВБВ. Кај „милионерите“, Халанд направи фантастично партнерство со младиот Англичанец, 20-годишниот Џејдон Санчо – двајцата имаат 14 од 27 гола во Бундеслигата во осумте меча по зимската пауза. Санчо е втор на листата на стрелци во Бундеслигата и втор во асистенции со 15 асистенции, една зад Томас Милер од Баерн Минхен.
Талентите на Борусија не завршуваат тука – своја шанса добива и 17-годишниот Американец Џовани Рејна, кој стана најмладиот стрелец во историјата на Германскиот куп оваа сезона.
Додека тие го имаат можеби најмладиот напаѓачки тим на светот, Шалке имаат фантастични таленти во одбраната. Хуан Миранда и Жан-Клер Тобидо се на позајмица од Барселона, градејќи искуство во првиот тим.
20-годишниот Тодибо ќе игра како централен бек во дербито по повредата на 20-годишниот Озан Кабак, кој има огромно искуство и покрај годините. Тие не се единствените млади фудбалери – тука се 23-годишното крило Џонџо Кени (на позајмица од Евертон), 20-годишниот фудбалер од средниот ред Суат Сердар, 22-годишниот Амине Харит, а во нападот тука се 19-годишниот Раби Матондо и 20-годишниот Ахмет Кутуџу.
Меч, кој, во оваа фудбалска „суша“ не се пропушта. Дуелот почнува во 15.30 часот во сабота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.