ММА фајтерот Џумбулат Балиев е меѓу деветте уапсени луѓе по „битката“ со „калашникови“ сред ден во Москва во неделата, објавуваат руските медиуми.

Во јужното предградие „Јасниј“ на Москва, вооружени луѓе со пиштоли и полуавтоматско оружје излегле од своите автомобили и учеставувале во преметка која траела неколку минути во ближниот паркинг.

Полицијата уапсила девет луѓе за инцидентот меѓу кои е и ММА фајтерот Балиев, кој се обидел да се сокрие во еден автомобил. 25-годишниот фајтер во велтер категорија, кој има потекло од Чеченија, има 2-4 скор со борби во промотерската куќа „Беркут“.

Борусија Дортмунд и Баерн Минхен утревечер ќе го одиграат веројатно клучниот натпревар оваа сезона во Бундеслигата. Дербито на „Вестфален“ може да ги реши дилемите околку шампионската титула доколку Баварците излезат како победници. Победа на Дортмунд ќе значи дополнителна драма во шампионската трка.

Во пресрет на дербито Борусија има четири поени помалку од лидерот Баерн. Двата тима забележаа по две победи откако продолжи сезоната во Бундеслигата.

Повеќе од противникот загриженост во таборот на „милионерите“ предизвикува повредите на неколку играчи. Матс Хумелс и Аксел Витсел се повредија во саботата против Вофсбург, додека неизвесен е и настапот на Џејдон Санчи и Емре Џан.

„Мораме да почекаме до утре и да видиме што ќе биде со Матс, но мислам дека 99 отсто ќе игра. Витсел тренираше во неделата, може да биде во тимот. Џан може да игра 45 минути и тоа е добро. Санчо тренира со тимот веќе десет дена и полека се враќа во форма. Ќе видиме“, рекол тренерот на Борусија Лусиен Фавр.

Натпреварот Борусија-Баерн во вторник ќе започне во 18.30 часот.

Златан Ибрахимовиќ се повредил на тренингот и му претстои пауза, објави италијанскиот „Скај Спорт“.

На последниот тренинг на Милан Ибрахимовиќ се пожалил на болка во листот на ногата. Швеѓанецот имаше проблем со оваа повреда на почетокот на годината, но успеа да се рехабилитира.

„Скај Спорт“ тврди дека повредата изгледа сериозно и дека е можно да не е во прашање листот туку Ахиловата тетива. Дополнителните тестови ќе покажат колу е сериозна повредата и колку време ќе биде потребно таа да биде санирана. Во Милан стравувале дека е можно Ибрахимовиќ да отсуствува подолго време.

Поранешниот репрезентативец на Шведска во зимскиот преоден рок се врати во Милан. До прекинот на сезоната одигра десет натпревар на кои постигна четири гола.

Инаку Ибрахимовиќ се уште не се изјаснил да и наредната сезона ќе остане во Милан.