Спорт
Сари: Кога ќе добиеш таков црвен картон, сè се менува
Италијанскиот шампион Јувентус го загуби првиот меч оваа сезона, откако Лацио со 3:1 ги совлада на „Олимпико“, но тренерот Маурицио Сари вели дека причината за ова е „погрешниот“ црвен картон кој го доби Хуан Квадрадо.
Тимот на Сари поведе со голот на Кристијано Роналдо, а по израмнувањето на Луиз Фелипе, Квадрадо доби црвен картон за дуел со Мануел Мацари кога тој беше во шанса за гол. Судијата Микаел Фабри прво му даде жолт картон, но по консултацијата со ВАР реши да го смени во црвен и Сари вели тоа било клучно Лацио да стигне до првата домашна победа над „бјанконерите“ од 2003 година.
„Не се согласувам дека тоа беше јасна ситуација за гол, бидејќи топката не одеше таму. Жолтиот картон беше вистинската одлука, но останува фактот дека направивме грешка што се донесовме во таква позиција. Црвениот картон смени сè. Но, и покрај поразот, гледам подобрување на мојот тим“, вели Сари.
Лацио од друга страна имаат седум победи во низа и се на само пет поени зад лидерите Интер и тренерот Симоне Инзаги вели дека тимот, кој последен пат беше шампион пред 20 години, мора да биде амбициозен.
„Сега сме во одлична форма и мораме да бидеме амбициозни, бидејќи пред шест недели никој не веруваше во нас. Уживаме во победата која не ја остваривме 16 години, во меч во кој се сеќавам бидејќи бев на клупата“, вели Инзаги.
Јуве се сопна на „Олимпико“, Лацио му направи услуга и на Интер (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.