За да се оствари дуелот за влез во Лигата на шампионите помеѓу ексјугословенските фудбалски гиганти Црвена звезда и Динамо Загреб, прво „црвено-белите“ ќе треба да се вратат со позитивен резултат од Молдавија, откако во првиот меч од третото квалификациско коло „извлекоа“ само 1:1 со Шериф Тираспол.

Аутсајдерите од Молдавија дојдоа во водство 33. минута, кога по еден слободен удар на 18 метри од голот, Колумбиецот Франк Кастањеда го искористи киксот на голманот Борјан. Упорноста на Звезда донесе израмнување во финишот на полувремето преку Французинот Лоис Диони, но во 58. минута Канга доби втор жолт картон, оставајќи го српскиот шампион со играч помалку во поголемиот дел од второто полувреме.

Бугарскиот шампион Лудогорец, пак, го делеа минути од мала сензација, откако во Пиреја одиграа 1:1 со фаворизираниот Олимпијакос. Подобриот од овој меч за место во ЛШ ќе игра со победникот од дуелот меѓу Малме и Ренџерс, каде што во првиот меч, шведскиот клуб направи 2:1 предност. Клучен човек за Лудогорец, беше Кирил Десподов, кој го постигна гол во 50. минута, но Агуибу Камара во 87. минута спаси реми за Олимпијакос.

На чекор од баражот по првите мечеви се ПСВ Ајндховен, Монако и Шахтјор Доњецк. Францускиот клуб со 2:0 победи на гости кај незгодната Спарта Прага, Шахтјор исто така на гости со 2:1 славеше кај белгискиот Генк, додека ПСВ дома со 3:0 го совлада данскиот Митјиланд.

ЛИГА НА ШАМПИОНИ, 3.КВАЛИФИКАЦИСКО КОЛО, ПРВИ МЕЧЕВИ

Малме (Шве) – Ренџерс (Шко) 2:1

Спарта Прага (Чеш) – Монако (Фра) 0:2

ЦФР Клуж (Ром) – Јанг Бојс (Шва) 1:1

Генк (Бел) – Шахтјор Доњецк (Укр) 1:2

ПСВ Ајндховен (Хол) – Митјиланд (Дан) 3:0

Црвена звезда (Срб) – Шериф Тираспол (Мол) 1:1

Олимпијакос (Грц) – Лудогорец (Буг) 1:1

ЦРВЕНА ЗВЕЗДА – ШЕРИФ

МАЛМЕ – РЕНЏЕРС

СПАРТА – МОНАКО


ПСВ – МИТЈИЛАНД

ГЕНК – ШАХТЈОР

Двократниот МВП на НБА лигата и трикратен шампион Стеф Кари се договори за продолжување на договорот со Голден Стејт вориорс на четири години, вреден 215 милиони долари, со што стана првиот кошаркар во историјата со два договори од над 200 милиони долари.

Кари ќе го продолжи дговорот со неговата плата од 45.8 милиони долари за 2021/22, што значи дека има гарантирано 261 милиони долари во следните пет сезони. Со договорот 33-годишниот Американец останува во Вориорс во врвот на својата кариера во обид да стигнат до четвртата НБА титула со клучниот тим во кој се и Клеј Томпсон и Дрејмонд Грин.

Кари повторно имаше фантастична НБА сезона, во која вторпат стигна до титулата најдобар стрелец (32 поени по натпревар) и сега ја започнува својата 13. сезона со клубот од Окуленд.

Слободниот агент Кармело Ентони се договорил со Лос Анџелес лејкерс за едногодишен договор, потврди неговиот менаџер Беј Фрејзер, пристигнувајќи во тимот кај неговиот добар пријател Леброн Џејмс.

Ентони, кој е ветеран од 18 НБА сезони, минатата сезона влезе во топ 10 стрелци во НБА лигата, враќајќи ја репутацијата со две години во Портланд откако паузираше една година по лошиот настап за Хјустон рокитс. Ентони имаше просек од 13.4 поени во 24.5 минути игра, со најдобар скор во кариерата од 40.9 отсто за тројки.

37-годишниот Ентони пристигна во НБА заедно со Леброн Џејмс во славниот драфт во 2003 година и двајцата оттогаш се блиски пријатели. Ентони, кој во кариерата заработи над 260 милиони долари само од плати, е десеткратен НБА Ол-стар и трикратен освојувач на олимписко злато, но нема голем успех во плејофот – во 13 настапи стигна само еднаш до конференциското финале.