Немања Матиќ, пред заминувањето од „Олд Трафорд“ им прати порака на навивачите на Манчестер јунајтед, велејќи им да продолжат да го поддржуваат тимот уверувајќи дека фудбалерите го даваат својот максимум.

Српскиот фудбалер од средниот ред ќе замине како слободен агент, но се надева дека клубот ќе види подобри денови во иднина, откако оваа сезона ја завршиј без трофеј и без место во ЛШ со најмалку освоени поени во Премиерлигата.

„Знам дека имавме неколку тешки сезони, но сакам навивачите да знаат дека на тренинзите и на натпреварите го даваме нашиот максимум и Јунајтед ќе се врати. Ќе биде потребно време, но Јунајтед сигурно ќе се врати. Продолжете да го поддржувате тимот и останете заедно. Фановите препознаа дека го давам максимумот на теренот, но и надвор од фудбалот сакам да бидм пример. Да се биде фудбалер на Манчестер јунајтед значи многу“, вели 33-годишниот Матиќ.

Лоренцо Инсиње вчера вечерта организирал проштална забава во Неапол, на која беа неговите соиграчи, вклучувајќи го и македонскиот репрезентативец Елиф Елмас, како и неколку легенди на клубот, како Фабио Канаваро.

30-годишниот Инсиње ќе го напушти Наполи на крајот на сезоната, откако веќе потпиша договор со МЛС клубот, Торонто ФЦ. Во неделата тој го играше својот последен меч пред домашна публика, по што имаше голема забава со браќата Канаваро, и дел од неговите соиграчи, вклучувајќи ги Елмас, Дрис Мертенс и Калиду Кулибали.

Организацијата за човекови права, Амнести Интернешнл (АИ), побара од ФИФА да одвои 440 милиони долари компензација за мигрантите кои ги градеа стадионите за Светското првенство во Катар.

АИ е во кампања против ФИФА по одлуката да се додели организацијата на најелитното светско натпреварување на Катар, поради човековите права во оваа земја, а посебно правата на илјадниците работници-мигранти кои работеа на инфраструктурата. Според нивните проценки, во последните 12 години, „стотина илјадници мигранти“ биле експлоатирани и држени во заложништво.

„Со доделувањето на првенството на Катар без да се обезбедат гаранции за работничките права, ФИФА придонесе за злоупотреба на човековите права. Ова значи дека ФИФА сега мора да обезбеди компензација за сите нарушувања на работничките и човековите права на луѓето кои ги градеа стадионите, улиците и хотелите за турнирот. ФИФА треба да резервира минимум 440 милиони долари од наградниот фонд за турнирот за работниците. Ова е мала сума бидејќи ФИФА ќе заработи 6 милијарди долари од турнирот, а им и финансиски резерви од над 1.6 милијарди долари“, велат од АИ.