Спорт
Сејдини до Мојсовски: За ова, драг Наумче Мојсовски, се одговара
Претседателот на Фудбалската федерација на Македонија (ФФМ), Муамед Сејдини, на прес-конференција реагира на вчерашното соопштение на Агенцијата за млади и спорт (АМС).
АМС, вчера, ја извести јавноста за продолжување на неправилностите во работата на Фудбалската федерација на Македонија (ФФМ) спротивни од Законот за спортот, утврдени со инспекцискиот надзор извршен на денешен ден пред две години.
Сејдини вели дека дека решението на второстепената комисија е конечно и против него нема право на жалба, но дека има право на тужба против, на овој начин, донесениот управен акт.
ФФМ во согласност со законите поднесе тужба, со која поведе управен спор против државната комисија за одлучување во втор степен во врска со нејзиното решение.
Во продолжение е обраќањето на првиот човек на ФФМ, Муамед Сејдини.
„Со факти и одлука на хартија да им покажеме и потврдиме колку не знаат и колку не се срамат што не знаат.
За тоа, драг Наумче Мојсовски, директор на Агенцијата за млади и спорт – се одговара.
Во текот на вчерашниот ден, и до мене стигнаа шпекулации дека одредени претставници на клубовите од македонската лига се повикувани во државни институции, присилувани да потпишуваат некаква поддршка за бојкот на Генералното Изборно Собрание на Фудбалската федерација на Македонија, уценувани со поделбата на ваучерите. Шпекулациите одеа дотаму што на големо се споменуваше и името на Премиерот на нашата држава.
Одбивав да верувам во таквите „игри без граници“ сѐ додека не го прочитав соопштението од Агенцијата за млади и спорт објавено на нивната официјална страна.
Во известувањето од Агенцијата за млади и спорт се вели дека при извршен инспекциски надзор во Фудбалската федерација на Македонија се утврдени низа неправилности спротивно на Законот за спорт.
Наведуваат дека решението било обжалено и после сите институционални и законски процедури и рокови, жалбата беше отфрлена како неоснована од страна на Државната комисија за одлучување во втор степен во областа на инспекцискиот надзор и прекршочна постапка, со што Решението стана правосилно и извршно и против него не е дозволена жалба.
И сега доаѓаме до моментот од кој треба да се срамиме сите ние од начинот на кој постапуваат одредени наши инситуции, во овој случај највисокото државно тело за спорт.
Вистина е дека решението на второстепената комисија е конечно и против истото нема право на жалба. Но, има право на тужба против, на овој начин, донесениот управен акт.
Фудбалската федерација на Македонија согласно законите поднесе тужба со која поведе Управен спор против државната комисија за одлучување во втор степен во врска со нејзиното Решение.
И бидејќи овој „сакам кажам – не знам речам“ начин на комуникација е нивен избор, а ние „на сила“ сме принудени да се браниме од нешто што не е вистина, еве, тука пред вас и пред цела јавност ја објавувам пресудата од поднесената тужба против поништеното решение кое Агенцијата за млади и спорт најави дека ќе го спроведува.
Пресудата вели дека тужбата на тужителот Фудбалска федерација на Македонија СЕ УВАЖУВА. Решението се ПОНИШТУВА.
За ова, драг Наумче Мојсовски, директор на Агенција за млади и спорт се одговара.
За ваквиот начин на постапување се известени УЕФА и ФИФА, кои го следат овој случај од моментот кога се вршеше инспекцискиот надзор. Известени се за сите одлуки и начинот на кои се носени тие одлуки.
Не дај Боже, никој од нас не посакува, но чувствувам обврска да истакнам дека ваквото постапување може да донесе „квантен скок“ ама наназад за македонскиот фудбал и нашите репрезентации.
Причина за тоа нема да биде Фудбалската федерација на Македонија, ниту јас како претседател, туку срамното и слепо однесување на поединци и институции со цел да се стави рака врз Фудбалската федерација на Македонија.
На крајот, Ве уверувам дека Фудбалската федерација на Македонија ќе продолжи да се спротивставува на било каков притисок кој не доаѓа од фудбалското семејство. За сѐ друго сме отворени за соработка се цел продолжување на сонот кој го живееме“.
Фото/ffm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Што имам во торбата. Дресот на Мектоминеј, тоа е најмалку што ми должи“
Жозе Мурињо, разбирливо, беше расположен откако неговиот тим Бенфика го победи Наполи со 2-0 во шестото коло од Лигата на шампионите.
Тренерот на Бенфика дојде на прес-конференцијата по триумфот над шампионот на Италија со торба.
„Забележав дека носите торба. Дали има подарок за еден од новинарите во неа?“, праша еден од новинарите.
Мурињо одговори: „Не, внатре има подарок за мене. Тоа е дресот на Скот Мектоминеј. Го турнав на почетокот на неговата кариера, поради него го ставив Пол Погба на клупата. Па најмалку што можеше да направи беше да ми даде дресот. Скот сега се сети дека имам голема колекција дресови и ми даде уште еден примерок за колекцијата како благодарност. Му дадов шанса, но потоа сè беше околу него и неговата работа. Скот е победник и го докажа тоа.“
Мурињо откри за што друго разговарал со својот поранешен играч: „Му кажав на Скот дека децата што ги праќам во последните минути на теренот се новиот Мектоминеј. Последниот што влезе, Жозе Нето, сигурен сум дека ќе направи историја.“
Мектоминеј (28) го предводеше Наполи до титулата во Италија минатата сезона со брилијантни настапи и голови. На крајот беше прогласен за играч на сезоната во Серија А.
Foto/ depositphotos
Спорт
Тенисер суспендиран на 20 години поради местење натпревари
Меѓународната агенција за интегритет на тенисот (ИТИА) објави дека францускиот тенисер Квентин Фолио е суспендиран од спортот на 20 години.
Дополнително, Фолио беше казнет со 70.000 долари и му беше наредено да врати коруптивни плаќања во вкупен износ од над 44.000 долари, откако беше утврдено дека извршил 27 прекршувања на Програмата за борба против корупцијата во тенисот (ТАЦП).
Истрагата на ИТИА откри дека 26-годишниот Фолио бил централна фигура во мрежа на играчи кои дејствувале во име на синдикатот за местење натпревари. Тој е шестиот играч кој е санкциониран како дел од оваа истрага, по случаите на Џејми Флојд-Анџел, Пол Валсеки, Лук Фомба, Лукас Буше и Енцо Римоли.
Фолио, чиј најдобар АТП ранг беше број 488 во август 2022 година, негираше 30 обвиненија поврзани со 11 натпревари помеѓу 2022 и 2024 година, од кои осум тој ги играше.
Обвиненијата вклучуваа местење натпревари, примање пари за да не се вложи максимален напор за обложување, нудење пари на други играчи за местење натпревари, давање внатрешни информации, вклучување во заговорнички акти, одбивање да се соработува со истрагата на ИТИА и уништување докази.
Далечинското сослушување пред независната антикорупциска службеничка Амани Калифа се одржа на 20 и 21 октомври 2025 година. Таа потврди 27 од 30-те обвиненија, кои се однесуваа на 10 од 11-те натпревари.
Во писмена одлука од 1 декември 2025 година, Калифа го опиша Фолио како „вектор на поширока криминална мрежа, која активно регрутираше други играчи и се обидуваше дополнително да ја зацврсти корупцијата на професионалните турнеи“.
Отежнувачки фактори, вклучувајќи го и намерното попречување на истрагата на ИТИА од страна на Фолио, исто така беа земени предвид при одредувањето на казната.
За време на суспензијата, Фолио не смее да игра, да тренира или да присуствува на кој било тениски настан под покровителство на членовите на ИТИА, вклучувајќи ги АТП, БТА, ИТФ, Тенис Австралија, Француската тениска федерација, Вимблдон и УСТА, како и сите национални тениски асоцијации.
Foto/ depositphotos
Спорт
Реал без Мбапе и против Алавес
Килијан Мбапе, од клупата за резерви, го гледаше поразот на Реал Мадрид од Манчестер Сити (1:2). Најдобриот играч и стрелец на Реал има повреда на коленото, поради што под знак прашалник е и неговиот настап на „Мендизороза“ в недела, против Алавес.
„Мбапе не беше подготвен за игра и сè уште не знаеме дали ќе може да игра против Алавес. Мора да почекаме…“ рече тренерот Алонсо.
Мбапе се мачи со повреда на левото колено уште од првото полувреме од натпреварот против Селта. Иако повредата не е сериозна, а политиката на клубот е јасна, минимум ризик, особено кога станува збор за Мбапе.
Ситуацијата во тимот на Реал поради повреди е критична. Против Алавес, Алонсо нема да може да смета на Карвахал, Камавинга, Трент, Менди, Алаба, Хаусен и Милитао. Поради црвените картони добиени против Селта, дуелот ќе го пропуштат Фран Гарсија и Карерас.
Повредата на Мбапе би можела да го зголеми бројот на отсуства на дури единаесет играчи, што дополнително ја комплицира ситуацијата за Мадрид.
Foto/ depositphotos
Муцунски: Оваа Влада ниту водела, ниту ќе води политика за прифаќање мигранти во каква било форма
Владата е целосно посветена на економскиот развој и на подобрување на квалитетот на живот на граѓаните. Градиме партнерства што носат...
Не може потпис на правен акт да е предизвикувач на пожар, рече Шилегов, бранител на државниот советник Шофкет Хазари обвинет во „Пулс“
Нешто повеќе од половина час, денес, во судницата во „Идризово“, адвокатот Петре Шилегов, бранител на државниот советник во Министерството за...
(Фото) Претрес во Тетовско, пронајдени дрога, оружје и муниција
Денеска околу 08:00 часот, полициски службеници од СВР Тетово го лишија од слобода 30-годишниот Ф.Р. од село Орашје, општина Јегуновце....
Обвинение за таткото и двете ќерки: спречиле службени лица да одземат добиток во Крива Паланка
Основното јавно обвинителство Крива Паланка поднесе обвинителен предлог против три лица за кривично дело спречување службено лице во вршење службено...
(Видео) „Филипче работел на изградба на прифатен центар за мигранти во Македонија“: Лефков објави документи
„Филипче не е лидер, туку потрчко на Заев, едно дугме-политичар кој има единствена улога да го покрива и штити неговиот...
Уапсено лицето што насилно упадна во студиото на „Инфомакс“
Полициски службеници од ПС Кисела Вода го лишија од слобода 43-годишниот Г. С. од Скопје веднаш по добиената пријава на...
Насилен упад во студиото на „Инфомакс“, ЗНМ бара најстрога санкција за напаѓачот
Здружението на новинарите на Македонија (ЗНМ) најостро го осудува бруталниот напад што вчера се случи во редакцијата на „Инфомакс“ за...
Приведен навивач од Словачка, на 10 други не им беше дозволен влез во државата поради агресивно однесување во авион за време на лет
Вчера околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи...
(Видео) „Невозможно е да се запрат, тие се насекаде“: Покровск е нападнат од огромен број руски војници
Во една од најжестоките битки од почетокот на војната, украинските сили го бранат Покровск од огромни руски сили од околу...
Црногорскиот премиер рече дека ќе влезе во ЕУ пред Србија; Вучиќ: Прво скокни, па кажи оп
Српскиот претседател Александар Вучиќ вчера во Брисел ја коментираше реакцијата на црногорскиот премиер Милојко Спајиќ на неговата идеја земјите од...
(Видео) Зеленски: Во руската историја никој никогаш не бил толку зависен од Кина
Украинскиот претседател Володимир Зеленски изјави, по извештајот на шефот на киевската служба за надворешно разузнавање, дека Русија и Кина преземаат...
Трамп: Поканети сме на состанок во Европа, на кој би учествувал и Зеленски
САД се поканети на состанок во Европа овој викенд, каде што се очекува и украинскиот претседател Володимир Зеленски, изјави вчера...
(Видео) Американците упаднаа на танкер кај Венецуела, објавена снимка: „Транспортира нафта“
САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со...
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
