Спорт
Селта во Виго ја почувствува силата на „Кралот“ (видео)
Мадридски Реал во голем стил ја започна новата сезона во Примера. Предмалку во Виго кај Селта, Кралскиот клуб славеше убедлива победа со 1-3. Реал по првото коло има 3 бода предност пред најголемиот конкурент, Барселона која синоќа загуби кај Атлетик Билбао со 1-0.
Францускиот ас, Карим Бензема кој и во подготовките беше расположен за голови ја отвори серијата во 12 минута за 0-1. Асистент на погодокот беше Герет Бејл, кој на изненадување на многумина се најде во првиот состав на Зидан.
Во вториот дел, во 56 минута Реал остана со играч помалку на теренот. Изненадувачки директен црвен картон заработи хрватскиот репрезентативец, Лука Модриќ.
Тоа не ги поколеба гостите да тргнат повторно во офанзива. Во 61 минута, на асистенција на Марсело водство од 2-0 за Кралевите носи Германецот Тони Крос.

Лукас во 80 минута носи висока предност од 0-3 за фаворитот, на асистенција на Бензема.
Домаќините успеаја да се изборат за почесен погодок, стрелец беше Лосада во 91 минута, смо 3 минути откако влезе во игра.
Инаку, кај Реал во Примера дебитираше српскиот интернационалец, Лука Јовиќ. Тој влезе во игра во 81 минута, на местото на Бензема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лил ја згасна Звезда
Фудбалерите на Лил триумфално го завршија натпреварот во Белград. Надополнија минус од еден гол, и по продолженијата со 2:0 славеа на „Рајко Митиќ“.
Дека Црвена звезда ќе има тешка вечер, навести ветеранот Оливие Жиру со голот во четвртата минута. Лил ја анулира предноста на противникот и потоа доминираше во првиот дел, но резултатото не се промени.
Второто полуврме донесе подобра игра на домаќинот, неколку шанси, без реализиција, па натпреварот замина во дополнителните 30 минути.
Таму на црвено-белите им пресуди Ендој во 99-та минута.
Лил во осминафиналето ќе игра против Лион или Астон Вила.
Foto/ Starsport
Спорт
Убедлив пораз на Шкендија кај Самсунспор
Фудбалерите на Шкендија го завршија својот настап во Конференциската лига. Вечервва, во рамките на плејофот за место во осминафиналето, Шкендија загуби со 4:0 кај Самсунспор. Турскиот тим со вкупен резултат 5:0 се пласира во следната фаза.
Шкендија успеа да издржи во првиот дел, но во вториот домаќинот ја демонстрираше својот квалитет.
Нтчам од пенал погоди во 53-та минута, а Ендиај го зголеми резултатот во 71-та. Точка на победата стави стрелецот на голот во Скопеј, Мариус во 79-та и 92-та минута.
EPA/GEORGI LICOVSKI
Спорт
Челзи или Баселона – Луис Енрике откри со кого сака да се соочи
Тренерот на Пари Сен Жермен, Луис Енрике, повеќе би сакал да се соочи со Челзи отколку со Барселона во осминафиналето од Лигата на шампионите.
Актуелниот првак немаше лесна задача во баражот, но успеа да го елиминира Монако. Утре ќе го дознае противникот во осминафиналето.
„Ќе бидам целосно искрен, нека Барселона не заобиколи овој пат. Веќе реков дека сакам повторно да играм против Челзи. Овој пат не сакам да играм против Барселона. Од емотивна страна, дуелот со Барса е секогаш посебен за мене, бидејќи е убаво да се вратиш дома. Барселона е прекрасна и многу посебна за мене. Затоа би сакал да играм против Челзи, ни должат, рече Луис Енрике.
Шпанецот алудираше на поразот во финалето на Светското клупско првенство во кое Челзи победи со убедлив резултат од 3:0.
Ждрепката за осминафиналето од Лигата на шампионите е закажана за петок во 12:00 часот.
Foto/ depositphotos

