Спорт
Сензационалните Санкт Паули ги елиминираа Борусија Дортмунд!

Второлигашот од Хамбург, Санкт Паули стигна до славна 2:1 победа над Борусија Дортмунд во осминафиналето на германскиот ДФБ куп, иако гостите играа со својот најсилен тим.
Етјен Аменјидо ги донесе домаќините во водство уште во четвртата минута, пред Аксел Витсел да си постигне автогол во 40. минута од мечот. Борусија го почна силно второто полувреме и намали на 2:1 откако Ерлинг Халанд беше прецизен од белата точка во 58. минута од мечот, но до крајот „милионерите“ не успеаја да го најдат патот до голот.
Во четврт-финалето се и градските ривали на Санкт Паули, многу попознатите Хамбургер, кои со 4:3 на пенали елиминираа уште еден прволигаш, Келн откако по продолженијата беше 1:1.
ДФБ КУП, 1/8 ФИНАЛЕ
Санкт Паули – Борусија Дортмунд 2:1
Келн – Хамбургер 1:1, 3:4 пенали
180 Минхен – Карлсруе 0:1
Бохум – Мајнц 3:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Герет Бејл подготвен за финалето на ЛШ

Напаѓачот на Реал Мадрид, Герет Бејл, се опорави од повредата на грбот и ќе му биде на располагање на Карло Анчелоти за финалето од Лигата на шампионите против Ливерпул в сабота, на 28 мај.
Пресметката во француската престолнина Париз ќе биде последниот натпревар за Бејл во дресот на „кралскиот клуб“. Велшанецот го напушта „Сантијаго Бернабеу“ по девет години минати во Мадрид.
Бејл нема играно за Реал Мадрид од 9. април, кога тренерот Карло Анчелоти ги објави проблемите на напаѓачот.
На претходниот финален дуел меѓу Реал Мадрид и Ливерпул во ЛШ, Герет Бејл беше одлучувачки фактор.
Спорт
Милан ќе го „врзе“ Томори до 2027 година

Раководството на Милан ќе му понуди нов договор на дефанзивецот Фикаjо Томори, откриваат италијанските медиуми. Поранешниот дефанзивец на Челси имаше импресивна сезона за „росонерите“, кои ја освоија титулата за првпат по 11 години.
Од централата на Милан се фасцинирани од настапот на дефанзивецот и подготвуваат нов договор за фудбалерот до 2027 година.
Томори дојде на позајмица во Милан во 2021 година, но шест месеци подоцна договорот стана постојан. Актуелниот договор на дефанзивецот има важност до летото 2025 година, но Паоло Малдини сака да го „врзе“ до 2027 година.
Спорт
Симона Халеп загуби еден сет, Медведев убедлив на стартот на Ролан Гарос

Романската тенисерка Симона Халеп триумфално стартуваше на првиот меч на Ролан Гарос. Поранешната најдобра тенисерка во светот беше подобра од Настасја Шунк од Германија со 2:1 во сетови (6:4, 1:6, 6:1).
Халеп добро отвори, но имаше пад во вториот сет кој го загуби убедливо. Сепак, се врати во третиот во добар ритам и славеше победа.
Пласман во второто коло во Париз обезбедија и Плишкова, Бадоса, Круниќ, Колинс, Корнет и Пегула.
Кај мажите, вториот светски рекет Данил Медведев без проблеми се пласираше во второто коло откако со 3:0 во сетови (6:2, 6:2, 6:2) го победи Аргентинецот Факундо Бањис. Следен противник на Медведев ќе биде српскиот тенисер Ласло Ѓере.