Спорт
Сер Алекс го убедил Роналдо, Јунајтед веќе дале официјална понуда до Јувентус

Во неверојатен пресврт од 24 часа, Манчестер јунајтед се пред комплетирање на спектакуларно враќање на Кристијано Роналдо на „Олд Трафорд“, откако клубот официјално пратил понуда до Јувентус од 28 милиони евра, а на Португалецот му подготви двегодишен договор.
Иако вчера беше сигурно дека Роналдо ќе заврши во лутите градски ривали Манчестер сити, по разговорот на Роналдо со својот стар тренер и „втор татко“, Сер Алекс Фергусон, бил убеден да не направи „предавство“.
Според Џанлука ди Марцио од „Скај спорт Италија“, понудата од 28 милиони евра ги исполнува барањата на Јувентус, а Роналдо ќе добива 25 милиони фунти годишно на „Олд Трафорд“ во следните две сезони.
Cristiano Ronaldo and Manchester United reunion, more than close. ??? #MUFC #Ronaldo
Current situation:
– Official bid made to Juventus.
– Official contract [2023] sent to Jorge Mendes.
– Paperworks to be prepared soon.
– Manchester City are out of the race.Work in progress. pic.twitter.com/iV1D6edJpa
— Fabrizio Romano (@FabrizioRomano) August 27, 2021
Црвено или сино? Гигантите од Манчестер во борба за потписот на Роналдо
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Филмска приказна: Риднеркнеш го доби Медведев, ќе игра против својот роднина за титулата

Артур Риднеркнеш и Валентин Вашеро ќе играат за титулата на турнирот од Мастерс серијата во Шангај. Веројатно нема ниту еден човек на планетата кој би можел да предвиди дека двајца братучеди, моментално 52-ри и 204-ти тенисер во светот, ќе бидат во финалето на престижниот турнир.
По пресвртот, Риднеркнес го победи Данил Медведев со 4:6, 6:2, 6:4 и му се придружи на својот братучед во финалето, кој го победи Новак Ѓоковиќ претходно во текот на денот.
Првиот сет беше практично решен во третиот гем. Медведев стигна до брејк и ја задржа предноста стекната до крајот на овој дел од играта за 6:4 и 1:0 во сетови.
Сепак, ова не го поколеба одличниот Французин. Во вториот сет, тој веднаш стигна до брејк во вториот гем, а потоа спаси дури пет брејк топки. Поведе со 3:0, а потоа, со уште еден одземен сервис од својот ривал, стигна до 6:2 и го израмни резултатот.
Риднеркнес го искористи заморот на Русинот и стигна до меч-поен. Не ја искористи првата шанса, но доби уште една. Медведев направи двојна грешка и со тоа му овозможи на Французинот да го постигне најголемиот успех во својата кариера.
Вашеро од Монако и Риднеркнес од Франција ќе се борат за пехарот во недела од 10:30 часот.
Спорт
Охрид убедлив, реваншот со Баку во ЕХФ Европскиот куп формалност

Ракометарите на Охрид се веќе со едната нога во следната рунда од ЕХФ Европскиот Куп. „Гладијаторите“ приредија вистинска ракометна лекција за Баку и на првиот меч славеа со неверојатни 44-11.
Од самиот старт беше јасно кој е господар на теренот. Охрид поведе со 5-1, потоа зголеми на 10-3, а на полувремето веќе имаше убедливи 24-7.
Голманот Чаневски одигра меч за паметење – одбрани 22 удари и заврши со 68 % успешност, што беше дополнителен удар за азербејџанскиот тим.
Тренерот Ројевиќ во второто полувреме им даде шанса на сите ракометари, но разликата само растеше. На крајот – 33 голови предност за македонскиот претставник.
Најефикасен беше Иванковиќ со девет погодоци, додека Ојлески и Ѓукиќ постигнаа по шест. Кај гостите се истакна Мамадов со четири гола.
Реваншот кој се игра утре од 18 часот во СРЦ „Билјанини Извори“ ќе биде само формалност – јасно е дека Охрид патува меѓу најдобрите 32 екипи во ЕХФ Купот.
Спорт
Викиншка доминација! Норвешка со шест од шест – Халанд повторно ѕвер

Репрезентацијата на Норвешка продолжува со совршените квалификации и веќе обезбеди место на Светското првенство! „Викинзите“ ја декласираа селекцијата на Израел со убедливи 5-0 (3-0) и ја запишаа шестата победа во исто толку натпревари.
Норвежаните тргнаа жестоко и уште во шестата минута имаа пенал, но Ерлинг Халанд не успеа да реализира. Сепак, ѕвездата на Манчестер Сити брзо се поправи – во 27. минута го отвори резултатот, а во меѓувреме Израел си постигна два авто-гола преку Калаили и Накмиас.
На полувреме резултатот беше 3-0, а во второто полувреме Халанд ја заврши работата. Со уште два погодоци комплетираше нов хет-трик и ја потврди доминацијата на Норвежаните во групата И.
Тимот на Солбакен има максимални 18 бода, а зад нив се бори Италија на Џенаро Гатузо за второто место кое носи пласман во баражот.
Во истиот термин, Унгарија потешко од очекуваното ја совлада Ерменија со 2-0. По прво полувреме без голови, Даниел Лукаш погоди во 56. минута, а Сомбор Грубер со гол во самиот финиш ги постави конечните 2-0.
По три одиграни кола, Унгарија има четири бода, еден повеќе од Ерменија.