Претставниците на Формула 1 и Големата награда на Белгија го продолжија договорот за уште четири сезони. Трки на легендарната патека Спа Франкошамп ќе се возат во 2026, 2027, 2029 и 2031 година.

Спа Франкошамп е во календарот уште од првата сезона во Формула 1, во 1950 година, и таму се одржани вкупно 57 трки за ГН на Белгија.

Многу светски шампиони во Формула 1, како Аиртон Сена, Михаел Шумахер, Ники Лауда, Себастијан Фетел, Луис Хамилтон и Макс Ферстапен, извојуваа победи на оваа патека.

Во последните години се инвестираше во Спа Франкоршамп, со што капацитетот се зголеми за 10.000 седишта.

Овогодинешниот тркачки викенд во Белгија ќе се одржи од 25 до 27 јули, а вклучува и спринтерска трка.

Новата сезона во Формула 1 започнува на 16. март со Големата награда на Австралија.

Врховниот спортски совет пресуди во корист на Барселона, дозволи привремени регистрации на Дани Олмо и Пау Виктор.

Оваа одлука е изненадување, со оглед на тоа што Ла Лига и Шпанската фудбалска федерација претходно одбија да ги регистрираат споменатите фудбалери. Сепак, ова е привремено решение, а наскоро се очекува епилогот од неверојатниот скандал што го оркестрира великанот од стадионот „Камп Ноу“.

Барселона го искористи правото на жалба, што значи дека конечната одлука ќе биде донесена откако жалбата ќе биде разгледана во рок од три месеци. Дотогаш регистрацијата останува валидна, но доколку жалбата биде одбиена, Олмо и Виктор нема да можат да играат за Каталонците до крајот на сезоната.

Шпанските медиуми пренесуваат дека претседателот на Барселона Џоан Лапорта предизвикал скандал на стадионот во Џеда, каде синоќа Барселона го победи Атлетик Билбао (2:0) во првото полуфинале, во Суперкупот на Шпанија.

Лапорта бил на стадионот кога дознал дека Олмо и Виктор ќе бидат регистрирани. Наводно, по првичната среќа брзо се изнервирал и ги навредувал членовите на Управниот одбор на Шпанската фудбалска федерација (РФЕФ). Ги нарекол „бесрамни“, „кукавици“ и „исплашени“ што претходно не ја одобриле регистрацијата на неговите играчи.

„АС“ наведува дека тој, исто така, ги нарекол присутните во областа резервирана за директорите на Ла Лига „кучкини синови“, според присутните сведоци. Дополнително, луѓето кои биле во ВИП ложата изјавиле дека „имало непочитување“ и иако „немало викање“, Лапорта „неколтурно се однесувал“.

Лапорта имал и тензичен разговор со Рафаел Лузан. Кадена СЕР потврди дека шефот на Барса приватно разговарал со претседателот на шпанската федерација за „јасно да му каже четири работи во лице“.

Хрватскиот репрезентативец Јошко Гвардиол се најде на врвот на уште една листа на дефанзивци од светска класа, пренесува официјалниот сајт на Хрватскиот фудбалски сојуз.

Гвардиола, кој брзо стана еден од клучните играчи на хрватската репрезентација и англискиот шампион Манчестер сити, го зазеде првото место на рангирањето на најскапите дефанзивци во светот според Меѓународната фудбалска опсерваторија (CIES).

Проценетата вредност на трансферот е 115,7 милиони евра. Зад него се Вилијам Салиба од Арсенал (101,8), Пјер Инкапие од Баер Леверкузен (90,3) и клупскиот соиграч на Гвардиол, Рик Луис (87,5).

Вкупно, Гвардиол се наоѓа на 16-тото место на листата на најскапи играчи во светот. Листата ја предводат Џуд Белингем (251,4), Ерлинг Халанд (221,5) и Винисиус Жуниор (205,7).

Гвардиол оваа сезона постигна четири гола за Манчестер сити.