Спорт
Серија А нема да заврши
Во Италија гласни се најавите дека поради пандемијата предизвикана од вирусот КОВИД-19 сезоната во Серија А нема да биде завршена. Италијанскиот министер за спорт за „Ла Република“ дал изјава од која може да се заклучи дека на Апенините долго време нема да се игра фудбал.
„Фудбалот нема да започне по 3 мај. Челниците на Серија А згрешија со проценките. Мора да разберат дека повеќе ништо немада биде исто како порано“, рекол министерот и дополнил.
„Спортот не е само фудбалот и фудбалот не е само Серија А. Основниот спорт ќе добие помош од 400 милиони евра. Тие пари ќе им ги дадеме на аматерските здруженија, сигурен сум дека тие ќе бидат оне што ќе го покренат препородот. Големите клубови не живеат во реалноста и преку своите можности. Најголем проблем им се милионските плати на фудбалерите. Мора да разберат дека откако ќе помине кризата ништ повеќе нема да биде исто како порано“.
Дека сезоната нема да биде продолжена свесен е и претседателот на Здружениот на фудбалерите, Дамјано Томаси.
„За разлика од претходните недели, пом изјавата на министерот расте загриженоста дека нема да ја завршиме сезоната. Сега имамме проблем како да ја завршиме сезоната, но постојат проблеми и со договорите, фудбалерите имаат договори до крајот на јуни“, рекол Томаси.
До крајот на сезоната во Серија А останаа уште 12 кола, доколку првенството не продолжи во мај тешко е да се очекува дека лигата ќе заврши до крајот на јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.