Спорт
Серија А се бори против расизмот со слики на мајмуни!
Обвинувањата за расизам во италијанскиот фудбал се присутни цела сезона, и новата иницијатива на Серија А сигурно нема да помогне да се разбијат стереотипите, откако на сите стадиони ќе има кампања претставувана од слики на три мајмуни.
Неколку фудбалери, како Марио Балотели, Калиду Кулибали и Ромелу Лукаку ги обвинија навивачите дека честопати користат мајмунски извици и други расистички гестикулации, и лигата во знак на солидарност најави кампања за борба против расизмот, која за жал вклучува низа на слики на уметникот Симоне Фугацото кои покажуваат три мајмуни во боите на неколку италијански тимови, за да се „смени перцепцијата на навивачите“.
„За уметник, не постои ништо поважно од менување на перцепцијата преку својата работа. Со овие три слики се обидов да покажам дека сите сме фасцинантни суштества, кои можат да бидат тажни или среќни, католици, муслимани или будисти, но тоа што сме не се одлучува според бојата на нашата кожа“, вели уметникот Фугацото.
The Lega #SerieA announced its series of anti-racism initiatives, including a representative from every team and art works https://t.co/HHNplYhFiz #KickItOut #NoToRacism #SerieATIM pic.twitter.com/2FwNGdDQ0u
— footballitalia (@footballitalia) December 16, 2019
Serie A's new 'No to Racism' campaign.
This is an absolute joke. ??? pic.twitter.com/YektJx7cch
— Football Tweet (@Football__Tweet) December 16, 2019
@acmilan I dont want to see this anti rasicm monkey banners hanging in or around our stadium, its a disgrace by Serie A using monkeys against racism. I don't want anything to do with these racist banners??♂️ I want to see this (?2nd photo)! pic.twitter.com/U4Ou6CRpPU
— AC Forza Milan/News (@ACForzaMilano) December 16, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.