Спорт
Сестрата на Роналдо „удри“ по Португалците: Болни, глупави, без душа…
Сестрата на Кристијано Роналдо, Катија Авеиро, застана во одбрана на својот брат. Португалецот е мета на критики од навивачите и медиумите по слабите игри во дресот со националниот грб.
Португалија, во вторникот, загуби во последното коло од Лигата на нации од Шпанија на домашен терен (0:1) и не успеа да се пласира на завршниот турнир.
Медиумите во своите анализи, бараат Роналдо да му го отстапи своето место во првата постава на некој од помладите играчи.
Насловите во медиумите предизвикале револт кај сестрата на Роналдо.
„Португалците плукаат по чинијата од која јадат, така било секогаш. Неопходно е да им се подаде рака на оние кои секогаш давале се од себе за Португалија. Но, Португалците (навивачите) можат да бидат болни, ситни, бездушни, глупави. .. вечно неблагодарни“, напиша таа на Инстаграм.
Светското првенство во Катар се очекува да биде последниот голем турнир за Кристијано Роналдо во националниот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ се враќа во Евролигата?
Македонскиот репрезентативец, Ненад Димитријевиќ би можел наскоро да се врати во Евролигата.
Руските медиуми пишуваат дека, кошаркарот на Зенит има понуда повторно да игра во елитното европско натпреварување по добрите игри во дресот на клубот од Санкт Петербург.
Оваа сезона, тој бележи 12 поени, 5,7 асистенции и 3 скока по натпревар во ВТБ лигата.
Минатата сезона настапуваше во Олимпија од Милано каде што не доби вистинска можност. Интерес за Нено покажува Баерн Минхен, на чија клупа седи поранешниот српски селектор, Светислав Пешиќ.
Тренерот Пешиќ верува дека на тимот му е потребен кошаркар кој може да игра на позициите еден и два, а Нено Димитријевиќ е идеален и некој што има искуство.
Foto/ EPA/Roberto Bregani
Спорт
Филкруг пристигна во Милан
Никлас Филкруг (32) официјално го засили тимот на Милан и ќе конкурира за место во тимот, за натпреварот со Каљари.
Филкруг пристигна во кампот на „росонерите“ од Вест Хем, каде што остана година и пол.
Претходно, тој играше за Борусија Дортмунд, Вердер Бремен, Хановер, Нирнберг и Гројтер Фирт.
Тој ги одигра своите најдобри натпревари во дресот на Вердер, каде што постигна 45 гола на 90 натпревари во четири сезони. Во неговиот претходен клуб, Вест Хем, постигна три гола на 29 натпревари.
Милан го позајми од „чеканите“, а дали ќе го откупат неговиот договор зависи исклучиво од игрите и перформансите на напаѓачот до крајот на сезоната.
Да ве потсетиме дека „росонерите“ почнаа да бараат нов напаѓач по повредата и операцијата на глуждот на Мексиканецот, Сантијаго Хименез.
Foto/ freerangestock
Adding a spearhead to our frontline 🎯#WelcomeFüllkrug
— AC Milan (@acmilan) January 2, 2026
Спорт
Велс не го дава Белами
Селекторот на Велс, Крег Белами, привлекува интерес од клубовите, но извршниот директор на Фудбалската асоцијација на Велс, Ноел Мун, денес изјави дека се надева дека тој ќе остане до Европското првенство во 2028.
Белами (46), потпиша четиригодишен договор во јули 2024 година. Предводен од Белами, Велс стигна до највисокото ниво на Лигата на нации, а во март ќе играат во плејофот за Светското првенство во САД, Канада и Мексико.
„Постои интерес за Крег. Каде и да одам, го слушам тоа поради начинот на кој игра фудбал. Да бев извршен директор на клуб и да сакав да играм добар фудбал, искрено би го разгледал бидејќи е добар тренер и има одличен тим околу себе“, изјави Муни за Би-Би-Си.
„Природно е дека ќе има интерес во иднина, ние сме целосно подготвени за тоа“, додаде тој.
Поранешниот напаѓач на Ливерпул и Манчестер Сити одигра 78 натпревари за Велс, постигнувајќи 19 гола, но никогаш не ја претставуваше својата земја на голем турнир.
Велс ќе биде ко-домаќин на Европското првенство во 2028 година заедно со Англија, Шкотска и Република Ирска.
„Би сакале тој да остане и да го води тимот на Европското првенство. Тој е навистина ентузијаст околу тоа. Сепак, ние живееме во реалниот свет. Ако некој му понуди работа, Реал Мадрид, Барселона или Ливерпул, сосема е природно дека би бил заинтересиран“, рече Муни.
„Тој е конкурентен, го достигна самиот врв на играта на теренот и секако дека ќе сака да го прави тоа и надвор од теренот. Ако тимот игра како што играше против Македонија (7:1), тогаш би бил изненаден ако не биде забележан од клубовите кои сакаат да играат добар фудбал и да бидат предводени од одличен млад тренер“, заклучи тој.
Foto/ EPA/DIMITRIS LEGAKIS

