Спорт
Шампионите лесно со Лејкерси, Бостон ја победи Филаделфија
Со два меча изминатата ноќ, започна новата сезона во НБА, најсилната кошаркарска лига во светот. Во двата натпревара славеа домаќините. Актуелниот шампион Голден Стејт Вориорс ги совлада Лос Анџелес Лејкерс со 123:109, додека Бостон победи против Филаделфија 126:117.
Вориорс без мака славеа против Лејкерси. По церемонијата на која им беа доделени шампионските прстени, домашните поведоа од самиот старт и постојано го зголемуваа водството. По првиот дел имаа три, а на полувремето плус од седум поени.
Натпреварот беше решен во третата четвртина кога Вориорс значително го зголемија темпото и во еден момент отидоа на огромни плус 27 (91:64). После тоа мирно го приведоа натпреварот до крај.
Најдобар во победничкиот тим беше Стеф Кари со 33 поени, шест скока и седум асистенции. Вигинс постигна 20, а Клеј Томпсон 18 поени. На терен неколку дена пред почетокот на првенството беа и учесниците во конфликтот. Џордан Пул имаше 12, а Дрејмонд Грин, кој го нокаутира младиот бекр, имаше четири поени и по пет скока и асистенции.
Во редовите на Лејкерси Леброн Џејмс застана на 33 поени, 14 скока и шест асистенции, додека Ентони Дејвис постигна 27 поени.
Поинтересно беше во Бостон, каде неизвесен натпревар одиграа Селтикси и Севентисиксерси.
Селтикс се одлепија од противниците во последната четвртина кога Селтикси созадода предност од 10 поени и не му дадоа шанса на противникот да се врати.
Џејлен Браун и Џејсон Тејтум ги предводеа Селтикси со по 35 поени, а двоцифрени беа уште Брогдон, Вилијамс и Смарт. Кај гостите Џејмс Харден исто така постигна 35 поени со осум скока и седум асистенции, а Џоел Ембиид натпреварот го заврши со 26 поени и 15 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хрватска го дозна противникот во полуфиналето од квалификациите за ОИ
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.