Спорт
Шампионскиот дрес на Чембрлен продаден за речиси 5.000.000 долари
Дресот на Лос Анџелес Лејкерс кој го носеше Вилт Чембрлен за време на финалето на НБА во 1972 година беше продаден на аукција за 4.900.000 долари.
Чембрлен беше од фундаментално значење за успехот на Лејкерс, вклучително и во сезоната 1971/72, кога Лејкерси ги победија Њујорк Никс во големото финале.
Во тогаш во решавачкиот петти натпревар, Вилт и покрај повредата на десната рака забележа неверојатни 24 поени, 29 скока и по осум асистенции и блокади.
Wilt Chamberlain's 1972 NBA Finals Game 5 ‘Championship Clinching’ Game Worn Los Angeles Lakers Jersey sells for $4.9 million at @sothebys.
The jersey received one bid at the reserve price. pic.twitter.com/9xahoBiOlx
— Darren Rovell (@darrenrovell) September 28, 2023
Чембрлен е еден од најдоминантните играчи во историјата на НБА. Професионалната кариера ја започна во 1958 година, а ја заврши во 1973 година. Освои бројни награди: двапати беше шампион, четири пати најкорисен играч, еднаш МВП на финалната серија и 13 пати беше избран да учествува на Ол-стар натпреварот.
Вилт ја заврши својата дебитантска сезона како МВП и дебитант на годината, подвиг што го постигна само Вес Анселд. Една година пред НБА, тој играше за Харлем Глобтротерс, претходно играше на Универзитетот во Канзас, а беше драфтуван од Филаделфија.
Тој во кариерата во НБА стигна до 31.419 поени, што ќе беше рекорд цели 38 години. Потоа го собори Карим Абдул Џабар, а од минатата сезона рекордер е Леброн Џејмс.
Чембрлен во кариерата имаше просек од 30,1 поен, 22,9 скока и 4,4 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.