Спорт
Шеикот Мансур 15 години е газда на Сити, вечерва втор пат во живо ќе го гледа својот клуб

Шеикот Мансур е сопственик на Манчестер сити веќе 15 години, но денеска само вторпат во живо ќе го гледа својот клуб. Тој ќе биде присутен на финалниот меч во Истанбул, помеѓу Сити и Интер. доаѓа во финалето на Лигата на шампионите во Истанбул.
Во овие 15 години, тој само еднаш го гледал во Сити, во 2010 година кога неговиот клуб победил на „Етихад“ со 3:0.
Манчестер сити, вечерва ќе се обиде да ја освои првата титула во Лигата на шампионите, односно третиот трофеј во сезоната, откако веќе победи во ФА Купот и Премиер лигата.
Лигата на шампионите треба да биде само конечна потврда за одличната сезона, но и за владеењето на Мансур.
Последен англиски клуб кој ја освоил тројната круна е Манчестер јунајтед. Тоа беше во 1999 година, кога тимот на Сер Алекс Фергусон ја потврди тројната круна со драматична победа над Баерн во финалето на Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.