Спорт
Шек е легенда – одбил 40 милиони од „Рибок“ за да прави евтини патики

Шекил О’Нил е многу богат човек, што од спортската кариера, што од умните бизнис одлуки, но секогаш имал и „слабо“ срце за тие со помалку среќа, како што покажува неговото последно признание за одбиениот дил со „Рибок“ кога беше на врвот на својата слава.
О’Нил израсна во дом во кој беше само неговата мајка, Лусил во Квинс, Њујорк и тој никогаш не заборави како е да се преживува со многу малку пари. Затоа, приказната која ја раскажа не зачудува.
„Имав договор со ‘Рибок’ – 40 милиони долари за 5 години. Си одам дома од арената еден ден и една дама вреска. ‘Вие сте е.ани идиоти им наплаќате на овие деца толку пари за вашите патики’. Имав околу 2.000 долари во џеб и морав да одговора: ‘Госпоѓо, јас не ги правам парите, еве ви ги овие пари’. Таа ми ги удри парите во моите раце и ми кажа: ‘Зошто не направите патика која е евтина’. Си размислив за тоа и сфатив дека е во право. Тој ден ги раскинав врските со ‘Рибок’ и почнав мој бренд. Им кажав да ги заддржат парите, бидејќи не е во ред. Ќе ги носам вашите патики, но и ќе почнам со брендот ‘Шек’ и отидов во мојот омилен ланец продавници ‘Волмарт’ и направивме договор“, објаснува Шек.
Иронично, од 2020 година, преку компанијата „АБГ“, О’Нил сега е делумен сопственик на „Рибок“. За разлика од „Ер Џордан“ на Мајкл Џордан, кои се продаваат за околу 200 долари во САД, Шек се фокусира на достапни патики – од 12.70 до 67.99 долари за неговите „Рибок Шек Атак“. Во 2004 година, тој склучи договор за продажба со „Волмарт“ со кој ги продава неговите патики за 40 долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Се враќа Џордан, ќе биде специјален соработник

Мајкл Џордан, легендата на НБА и Чикаго Булс, ќе стане специјален соработник на мрежата NBC, која ја емитува најсилната кошаркарска лига во светот, почнувајќи од оваа есен.
Еден од најголемите кошаркари на сите времиња прифати уште еден предизвик во својата кошаркарска кариера, а од есен и новата сезона ќе биде специјален дописник за извештаите од НБА.
BREAKING: NBC Sports has named Michael Jordan a special contributor for its upcoming NBA coverage on NBC and Peacock 🔥🐐
— NBACentral (@TheDunkCentral) May 12, 2025
NBC, која редовно ги емитуваше натпреварите од НБА од 1990 до 2002 година, ќе продолжи со покривање на спортот на есен откако постигна 11-годишен договор со лигата.
Кога NBC ќе продолжи со покривање на натпреварите од НБА, Џордан ќе биде дел од тоа покривање.
НБЦ сè уште не ја објави конкретната позиција на Џордан, нарекувајќи го „специјален соработник“.
Не е јасно колку често Џордан ќе се појавува онлајн и што ќе вклучуваат неговите работни обврски.
Без оглед на неговата улога, Џордан е повеќе од квалификуван да зборува за спорт – освои шест шампионски титули со Булс, беше 14 пати Ол-стар настап и пет пати беше прогласен за најкорисен играч (MVP).
Џордан сè уште се смета за најдобар кошаркар на сите времиња, а по завршувањето на својата играчка кариера купи малцински удел во Шарлот Хорнетс.
Спорт
Анчелоти официјално е назначен за селектор на Бразил

Италијанскиот стручњак, актуелен тренер на Реал, Карло Анчелоти е новиот фудбалски селектор на Бразил.
Како што беше објавено, 65-годишниот стручњак потпиша договор до крајот на Светското првенство, кое ќе се игра следното лето во САД, Мексико и Канада.
„Најтрофејниот избор во историјата на фудбалот сега ќе го води најуспешниот тренер во светот. Карло Анчелоти, синоним за историски достигнувања, беше објавен овој понеделник од претседателот на Бразилската фудбалска асоцијација, Едналдо Родригез, за нов селектор на националниот тим. Италијанецот ќе го предводи Бразил на Светското првенство во 2026 година и ќе го тренира тимот веќе во следните два квалификациски натпревари против Еквадор и Парагвај, следниот месец“, се вели во соопштението на веб-страницата на Бразилската фудбалска асоцијација.
Родригез рече дека доведувањето на Анчелоти да го предводи Бразил е повеќе од стратешки потег.
„Ова е порака до светот дека сме решени да го вратиме првото место на подиумот. Тој е најголемиот тренер во историјата, а сега ја предводи најголемата репрезентација на планетата. Заедно ќе напишеме нови славни поглавја за бразилскиот фудбал“, рече Родригез, како што објави веб-страницата на ФС Бразил.
Спорт
Првиот човек на ФФМ провери како тече работата на стадионот во Битола, треба да се исполни условот на УЕФА

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.
Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.
На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.
Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.