Двајцата фудбалери на Лестер Сити – Хамза Чудури и Весли Фофана при вчерашната прослава за освоената титула на својот клуб во англискиот ФА куп го развеаја знамето на Палестина во знак на поддршка на земјата.

Тие покажаа солидарност со палестинскиот народ при израелските бомбардирања.

Инаку, победата на „лисиците“ е изненадување за составот на Томас Тухел кој успеа својата екипа да ја доведе до финалето во ЛШ. За Германецот ова беше првиот пораз откако седна на кормилото на „сините“.

Лестер е 44-тиот клуб кој го освоил ФА купот.

На „Вембли“ имаше најголем број гледачи уште од март минатата година – 22.000.

Letter to Hamza Choudhury and Wesley Fofana, Leicester Football Club, who used the occasion of the FA cup triumph to show solidarity with the Palestinian people 🇵🇸🙏🏽✌🏽✊@Wesley_Fofanaa@HamzaChoudhury1@LCFC
#SavePalestine #Jerusalem #GazaUnderAttack pic.twitter.com/LpaIENZMCL

— Palestine in the UK (@PalMissionUK) May 15, 2021

Шкотскиот тенисер Енди Мареј одбра да не настапи на вториот сезонски грен слем турнир Ролан Гарос за да може подобро да се подготви за сезоната на трева, пренесува „ББС“.

Мареј играше на Мастерсот во Лондон, но само во двојки заради неодамнешната повреда на препоните, а нема да настапи на турнирите во Женева и Лион, иако тоа беше неговиот првобитен план.

Првиот човек на Ролан Гарос неодамна испрати специјална покана за Мареј, слично како и минатата сезона.

34-годишниот Британец има 3 освоени грен слем турнири, но ниту еднаш не славел во Париз. Мареј моментно е 123. на АТП листата, а последниот негов сингл меч е од почетокот на март, во Ротердам.

Ролан Гарос започнува на 30 мај и ќе трае до 13 јуни.

По 8 месеци одложување поради пандемијата на коронавирусотм синоќа во Спрингфилд се одржа цереонијата со која во кошаркарката Куќа на славните беше примена генерацијата 2020.

Место меѓу бессмртните добија Кевин Гарнет, Тим Данкан и покојниот Коби Брајант.

Вечерта преполна со емоции кулминираше кога на сцената покрај идолот на Коби – легендата Мајкл Џордан се искачи вдовицата на загинатиот кошаркар – Ванеса Брајант.

„Секогаш одбегнував јавно да го фалам мојот сопруг затоа што мислам дека е доволно тоа што го добиваше од навивачите. Сигурна сум дека сега се смее на небото затоа што ќе го пофалам поради неговите дстигнувања. И понатаму победува“ рече во воведот на 13-минутниот говор Ванеса Брајант.

Најмногу од се, го пофали Коби како неверојатен семеен човек, маж и татко на ќерките Натали, Бјанка, Капри и несреќно загинатата Џиана.

„Драг Коби, ти благодарам што беше најдобриот сопруг и татко. Ти благодарам што растеше и учеше од твоите грешки. Ти благодарам што секогаш се трудеше да бидеш подобар. Еднаш ми рече: `Ако се обложуваш на некого, обложи се на себе`. Драго ми е што се обложуваше на себе. Успеа. Во Куќата на славните си, вистински шампион си, не само МВП, туку безвременски великан. Горда сум на тебе“ – рече Ванеса Брајант.