Фудбалерите на Арсенал се последните полуфиналисти од англискиот Лига куп. Лондонските „топџии“, по голема борба и по изведување на пенали, славеа во градското дерби против тимот на Кристал Палас и закажаа дуел против уште поатрактивниот градски ривал, Челзи.

Натпреварот на стадионот „Емирати“ заврши по регуларното време со резултат 1:1 (0:0), но момците на Микел Артета беа поуспешни во изведувањето на пенали и победија со 8:7.

Трагичар на натпреварот ја донесе дефанзивецот на Кристал Палас, Французинот Максанс Лакроа. Прво, тој си постигна автогол во 80-та минута, а потоа го промаши во осмата серија. Палас изедначи во 94-та минута со голот на капитенот Марк Гуеи.

Пред него, сите изведувачи беа исклучително прецизни и самоуверени: Едегор, Рајс, Сака, Тросар, Мерино, Калафиори, Тимбер и Салиба кај Арсенал, односно Матета, Девини, Хјуз, Соса, Лерма, Вортон и Уче кај Палас.

„Топџиите“ ќе играат два натпревари против Челзи во полуфиналето на 13 или 14 јануари на „Стемфорд Бриџ“, а реваншот две недели подоцна на „Емирати“.

Foto/ depositphotos

Еден од најдобрите македонски фудбалери на сите времиња, Васил Рингов, почина на 71-годишна возраст по кратко боледување.

Рингов е еден од најголемите фудбалери во историјата на македонскиот фудбал и на Вардар.

Роден е во Струмица на 17 април 1955 година, каде што ја започна својата кариера во локалната Беласица.

Кратко време го носеше дресот на Партизан, а потоа играше во Тетекс, а оттаму се пресели во Вардар, каде што остави најимпресивна трага во црвено-црниот дрес. За Вардар одигра повеќе од 200 натпревари, во кои постигна 93 гола.

Заедно со тогаш младиот Дарко Панчев, формираше еден од најефикасните тандеми во југословенскиот фудбал во 1980-тите.

Еден период помина и во Динамо Загреб, исто така во Германија каде што играше за Ајнтрахт Брауншвајг.

Ја заврши кариерата во дресот на Вардар во сезоната 1986/87.

Foto/ Guliver – Vasil Ringov

Фудбалскиот клуб Челзи се вклупи во трката за потписот на крилниот напаѓач на Борнмут, Антоан Семењо. Од птртходно е познато дека интерес за овој играч покажаа Манчестер Јунајтед, Манчестер Сити и Ливерпул.

Клубот од „Стемфорд Бриџ“, воспоставил контакт со колегите од Борнмут, прашале под кои услови би биле спремни да го продадат Семењо.

Репрезентативецот на Гана има откупна клаузула од 65 милиони фунти во својот договор, кој стапува на сила на 1 јануари.

Клаузулата нема да биде активна во текот на целиот трансфер период, туку само во првите 10 дена, што им отвора можност на Борнмут да најдат замена за крилниот играч.

Доколку 25-годишникот не го смени клубот во јануари, откупната клаузула ќе биде помала на крајот од сезоната.

Манчестер Јунајтед и Манчестер Сити се уште се пред другите клубови и се во израмнета трка за неговиот потпис.

Тренерот на „Црвените ѓаволи“, Рубен Аморим, го опиша Семењо како „специјален играч“ пред натпреварот против Борнмут, во кој Антоан постигна гол во ремито 4-4.

Сепак, и Ливерпул е заинтересиран, особено откако напаѓачот на „Црвените“, Александар Исак, неодамна претрпе сериозна повреда и се очекува да има подолга пауза.

Тотенхем беше заинтересиран за Семењ во текот наа летото и порано оваа сезона, но сега се сврте кон други опции.

Семењо постигна осум гола во Премиер лигата оваа сезона.

Бормут, по импресивниот почеток на сезоната, западна во криза – тимот на Андони Ираола не знае за триумф од 26 октомври – и го зазема 15-то место на табелата со 22 бода.

Foto/ depositphotos