Фудбалерот на ПСЖ, Анхел Ди Марија, во интервју за „РМЦ спорт“, говорел за иднината на соиграчот Килијан Мбапе. Тој е сигурен дека Мбапе ќе го напушти Париз.

„Тука се работи за лична одлука, тоа е реалноста. Килијан знае во која насока треба да му се развива кариерата. Секако дека сите ние сакаме да го продолжи договорот, задоволство е да се игра со него. Јас со него имам одлична соработка, би било сјано кога би можел и понатаму да играм со него во ПСЖ“, рекол Ди Марија.

Водечките европски медиуми шпекулираат дека на 1.јануари ќе потпише преддоговор со Реал Мадрид.

Италијанските истражни органи неколку дена, во канцелариите на Јувентус, ги „чешлаат“ финансиските книги.

Финансовата полиција се сомнева дека челниците на Јувентус, претседателот Андреа Ањели, потпретседателот Павел Недвед и поранешниот спортски директор, Фабио Паратичи проневериле 50.000.000 евра, во периодот од 2018 до 2021 година.

Најнова информација во целиот случај е дека Министерството за финансии, истражува какви биле економските односи помеѓу Јувентус и поранешниот фудбалер, Кристијано Роналдо.

Португалецот, во финишот на летниот преоден рок го напушти Јувентус и се пресели во Манчестер јунајтед.

Агенцијата „АНСА“, Роналдо во овој момент не е под истрага.

Истражните органи наредиле да се проверат актуелните, но и приватните документи поврзани со договорите и платите на фудбалерите.

Карло Анчелоти може да биде задоволен од досегашниот тек на сезоната. Реал се на врвот во Шпанија, а во Лигата на шампионите изборија пласман во осмина-финалето.

Во интервју за „Кориере дело Спорт“, говорел за играта на Реал, за да го објасни стилот кој го применува, го навел примерот на Лука Модриќ и Тони Крос.

„Победите и титулите се резултат на проценките што ги прави тренерот. Секако дека резултатите ќе имаш секогаш кога ќе играш добро. Добар тренер секогаш играта ја прилагодува на играчите со кои располага. Со Мордиќ и Крос не можам да играм висок пресинг. Би бил идиот со напаѓач каков што е Винисиус, кој има скутер во нозете, да не играм на контранапади. Еве еден пример. Кога би го имал Роналдо, би барал начин како да се донесе топката до него. Нема да барам тој да се спушта по топката. Истото е и со Ибрахимовиќ. Постојат играчи кои прават разлика на теренот и играчи кои мора да трчаат. Мислам дека тоа го кажа Конте, ако не го кажал тој тогаш нема врска“, рекол Анчелоти.