Спорт
Шкупи го „обели образот“ на македонските екипи во Конференциската лига

Скопски Шкупи е единствената македонска екипа од трите кои денеска настапија во реванш дуелите од првото квалификациско коло на Конференциската лига на УЕФА која обезбеди пласман во второто коло од квалификациите.
Избраниците на Гоце Седлоски по победата од 2-0 на првиот меч во Скопје против косовски Лапи, вечерва на стадионот „Фадил Вокри“ одиграа 1-1.
Иако домаќинот имаше повеќе од играта во првиот дел и создаде повеќе шанси пред противничкиот гол, сепак Шкупи прв дојде до водство на мечот.
Се играше 78 минута кога Адем по асистенцијата на Ѓоргиевски погоди за гостински 1-0. Вреди да се напомене дека 3 минути пред погодокот на екипата од скопски Чаир, домашните останаа со играч помалку на теренот. Директен црвен картон заработи Емини.
Кратко по примениот гол, фудбалерите на Лапи го израмнија резултатот на 1-1 преку Фазлиу во 84 минута, но немаа сили за уште два гола со кои мечот ќе го однесеа во продолженија.
Во второто коло противник на Шкупи во ова натпреварување ќе е тимот на португалска Санта Клара.
Македонскиот фудбалски шампион, тимот на Шкендиај откако беше елиминиран од словенека Мура, во второто коло на Конференциската лига за противник ќе го има тимот на Рига.
Фото: ФБ – ФК Шкупи
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Спектакл во трката на 100 метри – Облик Севил е светски првак

Облик Севил од Јамајка е светски шампион на 100 метри. Во финалето на Мундијалот во Токио истрча 9,77.
Севил беше одличен и во квалификациите и во полуфиналето, но никој не му даваше шанси во финалето.
Сепак, тој блесна на патеката. Пред 70.000 луѓе во финишот, успеа да го надмине сонародникот Кишан Томпсон, кој мораше да се задоволи со сребро. Заостануваше пет стотинки зад победникот.
Ова е прва титула за Јамајка на 100 метри, од триумфот на легендарниот Јусеин Болт во 2017 година. Патем, светскиот рекордер беше во Токио за да го гледа во живо двојниот триумф на своите сонародници.
Актуелниот шампион Американец Ноа Лајлс беше трет со 9,89, додека олимпискиот вицешампион Лесли Тебого од Боцвана беше дисквалификуван поради грешка на стартот.
Foto/ EPA
Oblique Seville 🇯🇲 is the World 100m Champion!!🥇🥇
🥇 Oblique Seville 🇯🇲 9.77 (PB)
🥈 Kishane Thompson 🇯🇲 9.82
🥉 Noah Lyles 🇺🇸 9.89pic.twitter.com/1yV72I6UYJ— Track & Field Gazette (@TrackGazette) September 14, 2025
Спорт
(Видео) Аматерскиот потег на Межбри му донесе победа на Ливерпул

Фудбалерите на Ливерпул го победија Барнли со 1:0 во натпреварот од 4. коло од Премиер лигата.
По неверојатните завршници против Борнмут, Њукасл и Арсенал, „Црвените“ продолжија со серија исклучително интересни натпревари на почетокот од новата сезона, во кои се единствениот тим со четири победи.
Фудбалерите на Ливерпул гостуваа кај Барнли на „Тарф Мур“, а Скот Паркер постави совршена тактика. Свесен дека квалитетот е на страната на противникот, енаџеорт на барнли ги постави своите фудбалери во нисок блок.
Тактиката функционираше совршено се до 93.минута. Противникот не успеа да создаде опасна акција и се потпираше на удари од далечина.
Кога Ливерпул не успеа да креира буквално ништо пред голот на Барнли, домаќините им ја подарија победата.
Прво, Угочукву доби втор жолт, во 83.минута, а 10.минути подцона Ханибал Межбри, направи глупав пенал.
— OvoOno (@OvoOnoX) September 14, 2025
Мајкл Оливер оправдано покажа на „белата точка“, а единствениот гол на натпреварот го постигна Мохамед Салах во петтата минута од судиското продолжение.
Foto/ EPA
Спорт
Марк Маркез победи во Мизано, ја забележа 99.победа во кариерата

Победник на Големата награда на Сан Марино и Римини во Мизано е возачот на Дукати, Марк Маркез. Марк ја забележа својата 99-та победа во кариерата.
Постариот Маркез имаше одличен старт и веднаш се проби од четвртотот до второто место, пред Алекс Маркез, а зад Марко Бецеки, кој имаше одличен старт.
Бецеки беше лидер се до 12-от круг и практично првата грешка што ја направи го чинеше скапо. Марк Маркез се проби до првото место, Бецеки се закани во следните неколку круга, забрзувајќи, но не можеше да ја загрози победата на Марк.
На третото место, Алекс Маркез практично возеше сам, никој не беше доволно блиску за да му го загрози местото на подиумот.
А зад нив – еден по еден испаднаа – Жоан Зарко, Жоан Мир, Аи Огура, Маверик Вињалес, Педро Акоста, Франческо Банџаја.
Што се однесува до пласманот под третото место, Франко Морбидели го освои четвртото место, пред Фабио ди Џанантонио и Фермин Алдегуре. Лука Марини го освои седмото место, Фабио Квартараро осмото, Мигел Оливеира деветтото и Бред Биндер десеттото место.
Светското првенство продолжува со Големата награда на Јапонија од 26 до 28 септември.
Вечерашниот пад во спринт трката значи дека Марк нема да може да ја потврди титулата во следната трка, но ќе може да стигне до својата 100. победа и да стане третиот возач што го сторил тоа, по Џакомо Агостини (122) и Валентино Роси (115).
Foto/ EPA