Барселона во наредниот период ќе биде без двајца важни играчи. Во поразот од Баерн (0:3), се повредиле Жорди Алба и Педри. овие двајца на листата на повредени играчи им се приклучија на Усман Дембеле, Ансу Фати, Мартин Брејтвајт и Серхио Агуеро.

Жорди Алба го повредил бутниот мускул. Според прогнозите тој ќе паузира еден месец.

Барселона ќе биде без Педри најмалку две недели. 18-годишниот играч од редот за врска го повредил квадрицепсот.

До крајот на септември, Барселона ќе игра против Гранада, Кадиз и Леванте во Примера, односно против Бенфика во Лигата на шампионите.

случаите Една од најдобрите гимнастичарки во историјата, Американката, Симон Бајлс, пред американскиот Сенат, обвини дека ФБИ го забошотиле случајот на сексуално злоставување, на докторот на репрезентацијата Лери Насар.

„Заслужуваме одговори. Впечатокот е дека ФБИ е вклучен во забошотување на случајот, истото важи и за Федерацијата“, рекола Бајлс пред Одброт за правосудство.

Пред одброто покрај Бајлс сведочеле уште три спортистки: Ели Раисман, Мек Кајла Маруни и Меги Николас.

„Виновен е системот што не успеа да не заштити, но најмногу го обвинувам Лери“, рекола Бајлс.

До истрагата во Сенатот дошло откако главниот инспектор во Министерството за правда, Мајкл Хоровиц, во јули, во својот извештај ги осудил активностите на ФБИ. Хоровиц, го нотирал неуспехот на ФБИ во истрагата против сексуалните злоставувања на спортистите.

Наредната среда ќе сведочат Хоровиц и директорот на ФБИ, Крис Вреј.

За потсетување, поранешниот докторор Лери Насар, доби доживотна казна затвор, за сексуално злоставување на повеќе од 150 жени.

Голманот на Клуб Бриж, Симон Мињоле е задоволен од резултатот против ПСЖ, во првото коло во Лигата на шампионите. Белгискиот тим успеа да остане непоразен против ПСЖ, чии напад прв пат сезонава го предводеа Меси, Нејмар и Мабапе.

Натпреварот во Бриж заврши 1:1. Андер Ерера го постигна голот за ПСЖ, а Ванакен израмни. Според шансите поблиску до победата беа играчите на Бриж.

„Немав многу работа. Игравме добро, како колектив бевме добро организирани. Не им дозволивме да создадат многу шанси. Сите знаеме дека индивидуално се многу моќни. Поради тоа ги избегнувавме ситуациите еден на еден“, рекол Мињоле.

„Го браневме просторот, тоа го правевме тимски. Секако дека тие се одличен тим, но ќе повотрам, немав многу работа. Имав две или три одбрани кои не беа тешки“.

Бриж во наредното коло, на 28.септември ќе гостува во Лајпциг, а ПСЖ ќе го пречека Манчестер сити.