Спорт
Шок за Вориорс – Томпсон ги скина вкрстените лигаменти (Видео)

Бекот на Голден стејт Вориорс Клеј Томпсон ги скинал предните вкрстени лигаменти во левото колено, во текот на шестиот меч од финалната серија против Торонто Репторс, потврдил за ЕСПН неговиот менаџер, Грег Лоренс.
Според првичните прогнози на Томпсон му претстои пауза до февруари или март наредната година.
Репторс со победата 114-110 ја добија серијата против Вориорс со 4-2 и прв пат во историјата ја освоија титулата во НБА лигата. Прашање е како ќе завршеше мечот доколку Томпсон до крајот останеше на теренот.
Томпсон се повреди на две минути и 22 секунди до крајот на третата четвртина при резултат 83-80 за Вориорс. До тој момент бекот на Вориорс постигна 30 поени.
Дени Грин го фаулираше Томпсон кој се обиде да забие. Играчот тргна го соблекувалната со помош на соиграчите, но се врати да ги изведе слободните фрлања, а потоа замина во соблекувалната. Веднаш потоа со помош на патерици тој заминал од Оракл арена.
Повредата на Томпсон е уште еден голем удар за Вориорс, откако во претходниот меч тешка повреда доживеа и Кевин Дурент, кој веројатно ќе ја пропушти целата наредна сезона.
Интересно за Дурент и Томпсон се шпекулираше дека по завршувањето на сезоната ќе ги напуштат Голден стејт, бидејќи во договорите имаат такви опции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Анчелоти осуден на една година затвор за затајување на данок во Шпанија

Трофејниот италијански фудбалски тренер Карло Анчелоти е осуден од шпанскиот суд на една година затвор поради даночна измама направена во 2014 година, за време на неговиот престој во Мадрид.
Судот во главниот град на Шпанија му изрече и парична казна во износ од 386.000 евра.
Според шпанскиот закон, затворски казни пократки од две години може да бидат условно суспендирани доколку осудениот претходно не бил казнет, па се очекува дека актуелниот селектор на Бразил сепак нема да оди зад решетки.
Пред Анчелоти, на мета на шпанските даночни власти беа и Лионел Меси, Кристијано Роналдо и Жозе Мурињо, но ниту еден од нив не ја отслужи казната во затвор.
Фудбалската федерација на Бразил, како и претставниците на Анчелоти, засега не ја коментираа одлуката на судот.
Анчелоти е единствениот тренер кој пет пати ја има освоено Лигата на шампионите (три пати со Реал Мадрид и двапати со Милан), како и единствениот со титули државен првак во Англија, Шпанија, Италија, Германија и Франција.
Спорт
Седлоски пред натпреварот против Ла Фиорита: „Само максимален пристап носи победа“

Вардар утре го игра првиот натпревар во квалификациите за Конференциската лига против Ла Фиорита од Сан Марино, на арената „Тодор Проески“ во Скопје.
Тренерот Гоце Седлоски на прес-конференција изјави дека очекува сериозен пристап од своите играчи и победа на враќањето на клубот на европска сцена по седум години.
„Нема фаворити во денешниот фудбал. Насочени сме кон самите себе, а не кон противникот. Подготвени сме, ја анализиравме Ла Фиорита и нема простор за опуштање“, рече Седлоски, нагласувајќи дека најважен е настапот на неговите фудбалери, со оглед на тоа што следува и реванш за седум дена.
Спорт
Реал Мадрид и Пари Сен Жермен вечерва во Њујорк

Европските шампиони Реал Мадрид и Пари Сен Жермен вечерва од 21 часот ќе се соочат во полуфиналето на Светското клупско првенство. Натпреварот ќе се одигра на стадионот „Метлајф“ во Њујорк, пред повеќе од 80.000 гледачи.
Пари Сен Жермен неодамна го освои својот прв трофеј во Лигата на шампионите, постигнувајќи историски успех. Сега тимот има нова шанса да се докаже против најтрофејниот европски клуб.
Натпреварот има дополнително значење поради првиот настап на Килијан Мбапе против својот поранешен клуб. Францускиот напаѓач седум години настапуваше за ПСЖ, каде што стана најдобар стрелец во историјата на клубот со 256 погодоци.
Победникот од дуелот меѓу Реал Мадрид и ПСЖ ќе се сретне со Челзи во финалето на Светското клупско првенство.