Напаѓачот на Барселона, Ансу Фати доживеа нова повреда.

Момчето кое го нарекуваа „новиот Меси“, Барселона дури и му ја даде „десетката“ кога Аргентинецот замина во ПСЖ, нема среќа со повредите. Шпанските медиуми објавија дека на денешниот тренинг, Ансу Фати ја повредил тетивата. Прогнозите се дека ќе паузира еден месец.

Од друга страна, ова не е изненадување со оглед на тоа што минатата година лекарскиот тим на Барселона се обиде да го убеди Фати да оди на операцијаж за да го реши проблемот, Фати одби и реши да се лекува со алтернативни методи, токму таа повреда ја обнови на денешниот тренинг.

Се чини дека можеби на овој начин се збогуваше од Барселона, бидејќи планот на клубот е да го продаде или да го испрати на позајмица во зимскиот преоден рок.

Фати е дете на Барселона, тој експлодираше под водство на Ернесто Валверде, но сето тоа тргна во надолна линија откако тој доживеа сериозна повреда на лигаментите во ноември 2019 година.

Тој направи три операции, паузираше повеќе од една година, а кога се врати не успеа да дојде и блиску до формата во која беше.

Кристијан Хорнер, првиот човек на Ред Бул, предвидува дека Луис Хамилтон ќе се бори за светската титула во Формула 1 во 2025 година со болидот на Ферари.

Британецот во февруари објави дека актуелната сезона му е последна во Мерцедес и дека кариерата од 2025 година ќе ја продолжи во Ферари.

Преселбата на Хамилтон во Ферари е најголемиот трансфер во Формула 1 од 2012 година кога од Мекларен премина во Мерцедес.

Тимот од Италија оваа сезона покажува се подобра форма под водство на Фредерик Васер, што дополнително ги зголемува очекувањата од доаѓањето на Хамилтон.

„Тој доаѓа од тим во кој помина повеќе од десет години, така што ова сигурно ќе биде голема промена за него. Но, Ферари изгледа во добра форма и возач како Луис е секогаш претендент за титулата“, изјави Хорнер.

Шампионатот во Формула 1 продолжува со трката во Лас Вегас следниот викенд.

Начо Фернандез помина 23 години во Реал Мадрид. Летово, на 34 години рече дека му е доста и се пресели во Саудиска Арабија, во Ал Кадиси.

Начо нема намера да се врати во Реал. Приказната е актуелна деновива откако Реал остана без тројца играчи од одбраната поради тешки повреди.

„Нека му дадат шанса на дете од клупската академија, сега е шансата. Мора да ги проверите тие момци од академијата во одреден момент, да им дадете шанса. Ако тренерот и клубот се храбри, тогаш сега е вистинската можност за нив “, вели Начо Фернандез.

„Никој од Реал не ми се јавил. Што ако ми се јават? Не ни размислувам за тоа. Кога си заминав знаев дека повторно ќе одиграм 30-40 натпревари во мојот нов клуб, но тоа не ме предомисли. Среќен сум овде“, изјави Начо за KOPE.

Тој нема проблем да каже зошто отишол во Саудиска Арабија.

„Нема да лажам, овде заработувам многу повеќе пари отколку во Реал Мадрид. Не дојдов само за тоа, сакав да доживеам ново искуство во мојот живот. Но, немам намера да се расправам со некој што вели дека сум дошол за пари“.

Кога станува збор за Реал и засилувањата во одбраната, Начо има уште еден предлог за челниците на клубот.