Актуелниот европски шампион, Португалија стигна до тешко извојувана 3:0 победа над Унгарија на преполната „Пушкаш арена“ во Будимпешта за важни три поени освоени за две минути во финишот на натпреварот.

Откако Унгарците се покажаа како незгоден противник во текот на целиот натпревар, а Кристијано Роналдо утна една совршена шанса во првото полувреме, резултатот беше 0:0 пред последните десет минути од мечот.

Откако прво не им беше досуден пенал за игра со рака, во 82. минута од натпреварот, Рафаел Гереиро со малку среќа успеа да го совлада Гулачи, за само две минути подоцна да биде досуден пенал за Кристијано Роналдо да зголеми на 2:0. Во 93. минута, Роналдо доби нова шанса пред унгарскиот гол за да ги постави конечните 3:0.

Ова беа 10. и 11. гол на Европските првенства за Роналдо, со што изби сам на вечната листа пред Мишел Платини (9 гола). Роналдо го игра рекордното петто ЕУРО, и сега има вкупно 106. гола во дресот на Португалија, со што се доближи на само три гола од вечниот рекорд на Али Даеи од Иран. За Португалија трите поени се многу важни, бидејќи се наоѓаат во „групата на смртта“ покрај Франција и Германија, кои вечерва во 21 часот ќе играат во дербито.

Графика: Sofascore за Топспорт.мк

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-50060-26542”));

Шпанија во еден од најчудните мечеви досега на ЕУРО 2020, вчера во Севилја не успеа да постигне гол и одигра само 0:0 против Шведска и покрај тоа што имаа 85 отсто посед на топката, по што селекторот Луис Енрике и дел од фудбалерите се пожалија на сувата трева на стадионот „Ла картуха“.

„Причината не е во теренот, но да бидеме искрени, теренот не беше во најдобра состојба“, изјави Педри по мечот, а Луис Енрике додаде дека се надева дека за саботниот меч против Полска „ќе има подобри услови“. Шпанија трите меча од групата фаза ќе ги игра во Севилја.

Севилја беше „резервна варијанта“ на УЕФА, откако Билбао ја загуби организацијата, а локалните организатори за лошата состојба на теренот ги обвинуваат метеоролошките услови – минатата недела во Андалузија температурите достигнаа до 40-тиот степен, невообичаено топло за јуни. Ова ја „изгорело“ тревата и покрај обидите на организаторите да ги следат насоките од Шпанската фудбалска федерација.

Лео Меси погоди од слободен удар на мечот од Копа Америка – Аргентина против Чиле 1:1. За Меси тоа беше 57-ми гол за „гаучосите“ од слободен удар со што се изедначи на првото место меѓу активните фудбалери со Кристијано Роналдо.

Диего Марадона, за споредба постигна 62 гола од слободен удар во текот на кариерата.

Lionel Messi is now level with Cristiano Ronaldo in career free kick goals (57) in all competitions across club & country 👀

(h/t OPTA) pic.twitter.com/4915WTYI4l

— ESPN FC (@ESPNFC) June 14, 2021

Роналдо имаше голема предност во оваа категорија, но последните години многу малку погодува од прекин. За Аргентинецот ова беше четврти гол од слободен удар во последната една година, додека Роналдо толку има постигнато во последните 4 години.

Со синоќешниот погодок, 39-ти за Меси на Копа Америка, на СП или во квалификациите за тоа натпреварување тој изби на листата пред Габриел Батистута.