Македонските клубови ги дознаа имињата на пртивниците со кои ќе се соочат во првото квалификациско коло во новоформираната Конференциска лига на УЕФА.

Силекс, Шкупи и Струга се македонските преставници во оваа конкуренција во сезоната 2021/2022.

Силекс ќе игра против Петроклуб од Молдавија, Шкупи за противник го доби Лапи од Косово, а Струга ќе игра против летонскиот клуб Лиелаја.

Првите натпревари на програмата се на 8 јули, а реваншите ќе се одиграат на 15 јули.

УЕФА отвори официјална истрага против репрезентативецот на Австрија, Марко Арнаутовиќ, поради инцидентот што го предизвика на натпреварот против Македонија.

Во неделата Австрија ја победи Македонија со 3:1 во првото коло во Ц-групата. По завршувањето на натпреварот, во медиумите и на социјалните мрежи се коментираа зборовите што Арнаутовиќ ги упати кон македонскиот репрезентативец Алиоски.

Арнаутовиќ во 89. минута го постигна третиот гол за Австрија, а потоа упати навредливи зборови кон Алиоски.

Вчера, Австриецот се извини истакнувајќи дека не е расисит.

„Според членот 31 (4) од Дисциплинскиот правилник на УЕФА, одреден е етички и дисциплински инспектор, кој ќе отвори истрага за инцидентот во кој учествуваше Марко Арнаутовиќ во текот на натпреварот Австрија – Македонија“, наведе УЕФА во соопштението.

Доколку биде потврдено дека навредите биле расистички или етнички, тогаш Арнаутовиќ би можел да биде суспендиран на 10 натпревари.

Македонската репрезентација на 17 јуни ја очекува вториот натпревар од Европското првенство. На Националната арена во Букурешт ќе играат поразените репрезентации од првото коло во Ц-групата. Македонија на стартот загуби од Австрија (1:3), а Украина од Холандија (2:3).

На редовната прес-конференција на новинарите им се обрати фудбалерот на Лидс јунајтед, Езѓан Алиоски.

„Горди сме на натпреварот што го одигравме против Австрија. Резултатот не беше добар за нас, но мораме да размислуваме позитивно. Се фокусираме на мечот со Украина, имаме време за закрепнување и ќе бидеме подготвени. Го анализираме противникот и треба да ги коригираме грешките од првиот натпревар. Треба да го играме нашиот фудбал, да веруваме во себе. Овој натпревар е како финале за нас, но и за Украина. Тактички треба да бидеме на ниво, но и да бидеме многу внимателни. Украина игра добар офанзивен фудбал. Постигнаа два гола против Холандија, влегуваат како фаворити на мечот и тоа е добро за нас. Имаме квалитет, ќе излеземе без страв и со верба во позитивен резултат. Точно знаеме што треба да подобриме и важно е да бидеме на ниво во текот на тие 90 минути. Имаме квалитет да постигнеме два гола, дури и да сме во негатива. Најважно е да веруваме во себе и во тимот“.

Извор/ffm.mk