Спорт
Шуаи Пенг негира дека обвинила политичар за силување
Тенисерката од Кина, Шуаи Пенг, уште еднаш негираше дека го обвинила поранешниот потпретседател на кинеската Влада за сексуално злоставување. Во интервју за „Екип“, таа истакна дека никогаш не исчезнала и дека не може да разбере зошто толку многу луѓе се загрижиле дека нејзиниот живот е во опасност.
Интервјуто за „Екип“ е прв разговор на Пенг, со медиуми кои не се од Кина. „Екип“, истакнаа дека интервјуто се одржало во строго контролирани услови, тенисерката на претходно доставените прашања одговарала на кинески, а за преводот бил задолжен човек од Олимпискиот комитет на Кина.
Пенг рекла дека загриженоста низ целиот свет за нејзината безбедност била плод на „големо недоразбирање“ и негираше дека го обвинила поранешниот потпретседател на Владата за сексуална злоупотреба.
„Сексуален напад? Никогаш не сум кажала дека некој сексуално ме злоупотребувал. Таа објава предизвика големо недоразбирање. Не сакам таа објава погрешно да се толкува“, рекла Пенг.
Тенисерката објавата ја избриша по само 30 минути.
„Јас сум таа која ја избриша. Зошто? Така сакав“.
Во текот на интервјуто, Пенг не одговорила дали имала некакви проблеми со кинеската Влада.
Шуаи Пенг, дека пред интервјуто, имала средба со претседателот на Интернационалниот олимписки комитет, Томас Бах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мерцедес нема намера да го ангажира Саинц
Карлос Саинц ќе го загуби своето место во Ферари во 2025 година бидејќи тимот од Маранело го ангажираше Луис Хамилтон. Шпанецот нема голем простор за маневар околу тоа каде ќа ја продолжи кариерата.
Медиумите шпекулираа дека токму тој ќе го замени Хамилтон во Мерцедес, но според последните информации овој тим нема намера да го ангажира Карлос Саинц.
„Скај спортс“, дознава дека Мерцедес не размислуваат да го доведат Шпанецот, не затоа што мислат дека е лош возач, туку затоа што не сакаат да избрзуваат со потпишувањето.
Имено, Крег Слејтер, новинар на „Скај спортс“, во Монте Карло дознал дека Мерцедес сака да види какви опции има со Макс Ферстапен. Доколку тоа е далеку од реализација, а лесно би можело да биде така, Мерцедес би го ангажирал младиот Италијанец Кими Антонели, кој во август ќе наполни 18 години.
Ред Бул исто така не е реална опција за Саинц.
„Скај спортс“, дознава дека Саинц е најблиску до потпис за Ауди, кој ќе влезе во Формула 1 во 2026 година. Тогаш Карлос би добил голема плата од новиот конструктор.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.