Јоханес Хесфлот Клебо го освои седмиот златен олимписки медал.

Фантастичен ден имаше Клебо во трката со спринт во класичен стил во крос-кантри на Зимските олимписки игри во Милано и Кортина.

Клабо го освои второ злато на овогодинешните Игри, откако претходно победи во скијатлонот 10+10 километри. Во кариерата има седум златни олимписки медали, на вечната листа пред него, со осум е само неговиот легендарен сонародник, Бјорн Дели.

Клебо ја заврши последната трка за 3:39,74, пред Американецот Бен Огден, кој го следеше брилијантно и конечно ја помина целната линија со само 0,87 секунди заостанување. Огден беше деветти во оваа дисциплина пред четири години во Пекинг, а ова е неговиот прв олимписки медал во кариерата.

Бронзата оди во Норвешка, а ја освои Оскар Опстад Вике, кој беше 6,81 секунди зад шампионот. Ова е и првиот олимписки медал на Вике.

Во квалификациите во оваа дисциплина се појави и македонскиот репрезентативец, Ставре Јада. На крајот во конкуренција на 95 натпреварувачи, го освои 88-то место.

Foto/ EPA

Реал Мадрид сака да ја заврши реконструкција во дефанзивниот дел од тимот, што ја започна, што значи дека во летниот преоден рок приритет ќе биде централен дефанзивец.

Упамекано и Гуехи беа мети, се споменуваше и Конате од Ливерпул, а сега „Кралскиот клуб“ го насочи вниманието кон Кристијан Ромеро.

Дефанзивецот на Тотенхем е на листата на желби на Реал, а самиот Аргентинец не ја исклучи можноста за потенцијално заминување на крајот од сезоната, со оглед на тоа што не е во најдобри односи со раководството.

Според „Ел Чирингито“, Реал ќе се обиде да го донесе во Мадрид. Ромеро беше на прагот да се пресели во Атлетико Мадрид минатото лето, но тој трансфер поропадна поради обесштетувањето што го бараа од Тотенхем.

Тогаш, Тотенхем бараше 75 милиони евра. Се претпоставува дека клубот од Лондон и од Реал ќе ја бара истата сума.

Foto/ depositphotos

Андреа Кими Антонели, возачот на Мерцедес, учествувал во сообраќајна несреќи, но не е повреден и, според планот, ќе учествува на предсезонскиот тест на Формула 1 оваа недела во Бахреин.

Непосредно пред да замине за Бахреин, Антонели доживеал несреќа на патот во Серавале. Според извештајот на сообраќајната полиција, неговиот автомобил излигал на патот, удрил во заштитната ограда. Во сообраќајната несреќа не биле вклучени други возила.

Инцидентот го потврди Мерцедес во официјално соопштение:

„Во саботата во близина на неговиот дом во Сан Марино, Кими доживеал сообраќајна несреќа. Полицијата дошла на местото на настанот по негов повик. Во несреќата учествувало само едно возило и, иако автомобилот претрпел штета, Кими не е повреден.“

Kimi Antonelli’s car 👀

He is ok and take part in the tests. pic.twitter.com/Pr7p5x4VNx

— Race+ (@racepluscom) February 10, 2026

Антонели возел „Mercedes AMG GT 63 PRO 4MATIC+“, екстремно ограничена серија од само 200 произведени примероци.

Пред тестот минатиот месец во Барселона, Мерцедес ја промовираше испораката на овој супер автомобил на Антонели, кој се издвојува со уникатни детали како што се рачно обоена каросерија во боите на Петронас, како и специјални технички решенија.

Kimi Antonelli was involved in a traffic accident in San Marino, he is OK

He crashed his AMG GT 63 PRO “Motorsport Collectors Edition” vehicle into the barriers but is in good condition

He will participate in the tests

Via @KemalSengulll pic.twitter.com/N7UtHHPMTd

— Holiness (@F1BigData) February 10, 2026

Меѓу нив се подобрениот систем за ладење, додека погонот го обезбедува 4-литарски V8 битурбо мотор со 612 коњски сили.

Несреќата нема да влијае на програмата на Антонели за првиот тест во Бахреин. Италијанецот треба да вози во попладневната сесија првиот ден во среда, потоа во утринската сесија вториот ден во четврток и повторно во попладневната сесија на последниот ден во петок.

Неговиот колега Џорџ Расел ќе вози во соодветно време. Првиот предсезонски тест во Бахреин започнува утре, додека вториот и последен тест на истата патека ќе се одржи од 18 до 20 февруари.

Foto/ depositphotos