Италијанскиот второлигаш, Монца, го потврди доаѓањето на Кевин-Принс Боатенг од Фиорентина, за тој повторно да работи со поранешните први луѓе на Милан, Силвио Берлускони и Адријано Галијани.

По 30 години во Милан, Берлускони и неговиот верен директор Галијани градат нова фудбалска приказна во Монца, откако лани успеаја да влезат во втората лига. Тие трошат најмногу пари од сите во Серија Б, и Боатенг е 11-то засилување за тимот во летниот преоден рок.

Боатенг потпишува едногодишен договор со опција за уште една сезона, откако претходно во кариерата играше и во Милан, Борусија Дортмунд и Барселона. Тој во Монца исто така ќе се обедини со поранешниот тренер на Милан, Кристијан Броки, кој сега е прв човек во Монца.

Undicesimo colpo: ecco Kevin-Prince Boateng!🔥🤪🔝https://t.co/fcwEyIBf9N pic.twitter.com/iWL1hLjEvY

— AC Monza (@ACMonza) September 28, 2020

Манчестер сити и Пеп Гвардиола веруваат дека нашле вистинска замена за Винсен Компани во новото засилување од Бенфика, Рубен Диаш, еден ден по катастрофалниот 2:5 пораз од Лестер сити, кој уште еднаш ја покажа слабоста на одбраната на „граѓаните“.

Бенфика веќе потврдија дека Диаш заминува на „Етихад“, додека во спротивен правец ќе отиде Аргентинецот Николас Отаменди за 13.7 милиони фунти.

23-годишниот Диаш беше капитен на Бенфика при победата над Мореиренсе во саботата, поздравувајќи се со соиграчите и со директорот на клубот, Руи Кошта по крајот на мечот.

Гвардиола смета дека со Диаш ќе ги реши проблемите кои ги има тимот по заминувањето на Компани на крајот на сезоната 2018/19, по што Фернандињо ја извршуваше работата на централен дефанзивец. Со ова сигурно се става крај на обидот на Сити да го добијат Сенегалецот Калиду Кулибали, за кого не сакаа да платат над 80 милиони фунти.



Тијаго Силва влезе во напад на Пари Сен-Жермен, клубот каде што помина осум сезони, бидејќи заминувањето било „ситуација која можеше да биде изведено поинаку“.

36-годишниот Бразилец не криеше дека сака да остане во ПСЖ, но спортскиот директор, неговиот сонародник Леонардо не му го понудил тоа. По одигрувањето на финалето на ЛШ (каде што загубија од Баерн Минхен), тој како слободен играч замина во Челси со 23 освоени трофеи од Париз.

„Тоа беше ситуација која навистина ме налути, не ми се допадна како работите се завршија. Имаше пауза поради корона вирусот, но можеа да ги направат работите поинаку. Бев во Бразил во карантин, кога Леонардо ми се јави и ми кажа дека нема да ми дадат нов договор поради пандемијата. Не, прво ме праша дали ќе продолжам два месеци за да играм во ЛШ. Во цела кариера во ПСЖ го дадов мојот максимум и не заслужив така да се простат со мене. Лео го направи тоа на необичен и брз начин. И тоа не само со мене – Кавани е најдобар стрелец во историјата на ПСЖ. Го кажувам ова сега, за клубот да не направи слични грешки во иднина“, објаснува Силва во интервју за „Франс фудбал“.

Тијаго Силва влезе во напад на Пари Сен-Жермен, клубот каде што помина осум сезони, бидејќи заминувањето било „ситуација која навистина ме налути“.

36-годишниот Бразилец не криеше дека сака да остане во ПСЖ, но спортскиот директор, неговиот сонародник Леонардо не му го понудил тоа. По одигрувањето на финалето на ЛШ (каде што загубија од Баерн Минхен), тој како слободен играч замина во Челси со 23 освоени трофеи од Париз.

„Тоа беше ситуација која навистина ме налути, не ми се допадна како работите се завршија. Имаше пауза поради корона вирусот, но можеа да ги направат работите поинаку. Бев во Бразил во карантин, кога Леонардо ми се јави и ми кажа дека нема да ми дадат нов договор поради пандемијата. Не, прво ме праша дали ќе продолжам два месеци за да играм во ЛШ. Во цела кариера во ПСЖ го дадов мојот максимум и не заслужив така да се простат со мене. Лео го направи тоа на необичен и брз начин. И тоа не само со мене – Кавани е најдобар стрелец во историјата на ПСЖ. Го кажувам ова сега, за клубот да не направи слични грешки во иднина“, објаснува Силва во интервју за „Франс фудбал“.

Thiago Silva sur son départ du PSG : «Leonardo a fait ça de façon maladroite»
👉 https://t.co/vA44xfGmaA pic.twitter.com/SiO1h9RLv3

— Le Parisien (@le_Parisien) September 28, 2020