Спорт
Синер против Ѓоковиќ за најголемата награда во историјата на тенисот

Јаник Синер и Новак Ѓоковиќ вечерва ќе се бора за титулата на Завршниот мастерс во сезоната. Во полуфиналето Синер го победи Даниил Медведева со 6:3, 6:7(4), 6:1, додека Ѓоковиќ беше подобар од Карлос Алкараз со 6:3, 6:2.
Српскиот тенисер денеска ќе има шанса да го освои овој турнир по седми пат, со што би станал рекордер. Во моментов тој и Швајцарецот Роџер Федерер имаат по шест титули на завршниот турнир на најдобрите, додека пет пати најдобри беа Пит Сампрас и Иван Лендл.
Ѓоковиќ немаше ни да биде во финалето ако Синер не го победеш Холгер Руне во последното коло од групната фаза.
Финалето ќе биде нов тест за 22-годишниот Италијанец и 14 години постариот Србин на турнирот во Торино. Претходно во групата, Синер во маратонски меч го победи Ѓоковиќ со 7:5, 6:7(5), 7:6(2).
Освен славата која би го чекала со освојување на завршниот турнир, Синер има шанса да ја освои и најголемата парична награда во историјата на тенисот. Тој може да ја освои титулата без пораз, во групата ги победи Ѓоковиќ, Стефанос Циципас и Руне, а потоа и Медведев во полуфиналето. Евентуалната победа во финалето ќе му донесе парична награда од 4.800.000 милиони долари.
Синер доби 325.500 долари само за учество на турнирот и натпреварите по групи. Победата во секоја од нив му ги зголеми приходите за 390.000, а победата во полуфиналето му донесе 1.150.000 долари. Наградата за победникот во финалето е 2.200.000 долари.
Доколку пак победи Ѓоковиќ, тој би заработил 390.000 долари помалку, бидејќи доживеа еден пораз.
Финалниот меч во Торнио, меѓу Јаник Синер и Новак Ѓоковиќ ќе започне во 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Николас Џексон се сели во Минхен

Николас Џексон е на чекор до трансфер во Баерн Минхен. Германските медиуми тврдат дека преговорите што ги водат клубовите се во завршна фаза.
Џексон веќе се согласил да се пресели во Минхен, Баерн е подготвен да ја преземе целата плата на сенегалскиот напаѓач.
За да биде финализиран трансферот Баерн и Челзи треба да ја договорат сумата за која би играл на позајмица оваа сезона.
Џексон е под договор со Челзи до летото 2033 година, а „Трансфермаркт“ го проценува на 50.000.000 евра.
Во последната сезона, сенегалскиот репрезентативец постигна 10 гола и пет асистенции во 30 натпревари од Премиер лигата.
Спорт
(Видео) Навивачите на Гримзби лудо ја прославија победата над Манчестер јунајтед

Фудбалерите на Гримзби ја остварија една од најголемите, ако не и најголемата победа во својата историја. Синоќа во втората рунда од Лига купот го елиминираа Манчестер јунајтед.
Членот на Лига 2 (четврти ранг на англискиот фудбал), го елиминира великанот не само на англискиот туку и на светскиот фудбал по 13 серии пенали.
По 90 минути беше 2:2, откако Јунајтед во последните 15 минути ја надомести негативата од два гола.
Потоа следеше изведување на пенали, каде што Матеус Куња го промаши пеналот за победа на „црвените ѓаволи“,во петтата серија, а потоа во 13-та серија, Брајан Ембумо стана трагичар, ја погоди гредата, а Гримзби оствари шокантна победа.
На теренот на „Бландел Парк“ во градот Клиторпс настана хаос, огромен број локални навивачи влегоа на теренот и заедно со играчите го прославија овој историски успех.
Гримзби Таун е клуб кој се натпреваруваше во Лига 2 и Лига 3 во последните години.
Последен пат во Првата лига овој клуб играл пред 77 години.
Што се однесува до Јунајтед, тој тоне сè подлабоко и подлабоко.
Спорт
Аморим по дебаклот од Гримзби: Само еден тим играше на теренот

Манчестер јунајтед доживеа уште еден нокаут, многумина ќе речат историски откако доживеа елиминација од Лига купот, од тимот од четвртата лига, Гримзби.
„Црвените ѓаволи“, лошо влегоа во сезоната, во првите две кола освоија само еден бод,а елиминцијата од Гримзби, по 13 серии пенали, под знак прашање ја ставија иднината на менаџерот Рубен Аморим.
По натпреварот, Рубен Аморим беше целосно депресивен и даде многу чудна изјава:
„Денес победи подобриот тим, единствениот тим што беше на теренот. Мислам дека тимот и играчите зборуваа многу гласно денес, тоа е тоа. Изгубивме, подобриот тим победи“, рече Аморим и продолжи криптички: „Мислам дека е многу јасно што кажаа играчите денес, па да продолжиме понатаму, мислам дека на сите им е јасно што се случи денес.“
🗣️ "The best team won. The only team that was on the pitch."
Ruben Amorim reacts to Manchester United's Carabao Cup exit after defeat to Grimsby Town on penalties. pic.twitter.com/Vgwpweyy0U
— Sky Sports Football (@SkyFootball) August 27, 2025