Гранада по три години се врати во најсилната конкуренција на шпанскиот фудбал, а вечерва го потврдија и првото големо засилување за новата сезона. Ветаренот Роберто Солдадо договорил едно годишна соработка со можност соработката да биде продолжена за уште една година.

Поранешниот репрезентативец на Шпанија во Гранада доаѓа како слободен играч откако му истече договорот со Фенербахче каде ги мина претходните две сезони.

Покрај за Фенербахче, Солдадо, во кариерата бил играч на Виљареал, Валенсија, Реал Мадрид и Тотенхем.

Велосипедистот на Јумбо Висма, Белгиецот Ват Ван Арт е победник на 10 етапа на Тур д’Франс, која во должина од 217,5 километри се возеше од Сен Флор до Алби.

Ват Ван Арт беше најбрз во финишот и ја оствари првата етапна победа на трката околу Франција. Белгиецот етапата ја мина за четири часа, 49 минути и 39 секунди.

Второто место му припадна на Италијанецот од Квик Степ, Елија Вивијани, трет трката ја заврши Австралиецот Кејлеб Јуан од екипата Лото Судал.

Французинот Жилијан Алафилип ја задржа жолтата маичка, иако етапата ја заврши на 11 место.

Во вторник е слободен ден на Тур д’Франс, а 11 етапа долга 167 километри од Алби до Тулуз ќе се вози в среда.

Тренерот кој пред еден месец на МЗТ тим му ја донесе седмата титула, Ѓорѓи Кочов (34)и следната сезона ќе седи на клупата на клубот од Аеродорм.

Со ова продолжија заложбите на управата на клубот за давање шанса на младите домашни тренери, кои, пак, во иднина би биле столб и на македонската кошарка во целост.

Станува збор за шестиот стратег кој успеал да го донесе шампионскиот пехар во „Јане Сандански“ (по Тодоров, Пипан, Мартич, Јончевски и Назор) и само четвртиот тренер во Македонија кој може да се пофали со триумф во домашното првенство и како играч и како предводник од клупата.

Тој во „сино-белиот“ табор дојде во текот на предминатиот шампионат, а за него ова ќе биде втора сезона која ја почнува како предводник на МЗТ Скопје.

Популарниот Ѓоле веќе работи на формирањето на тимот за следниот период, со кој ќе се обиде да го продолжиме трендот на остварување добри резултати како на домашна сцена така и во настапите во АБА2-лигата.

фото/mztskopjeaerodrom.mk