Спорт
Сити ја одреди цената за Хулијан Алварез
Реал Мадрид на пазарот бара напаѓач кој ќе биде достојна замена за Карим Бензема. Откако Французинот на брзина замина од Реал, клубот не се активираше на пазарот да донесе напаѓач. Од стартот на сезоната само Хоселу е вистинска „деветка“ во Реал.
Шпанските медиуми тврдат дека скаутите на Реал следата двајца играчи и двајцата од поечтокот на сеозната играа во врвна форма. Станува збор за Хименез од Феенорд и Хулијан Алварез од Манчестер сити.
Реал го следи Аргентинецот од Сити и покрај тоа што е јасно дека Пеп Гвардиола нема намера да дозволи тој да замине од клубот. Или пак може да замине за вистинска цена.
Англичаните тврдат дека трансферот на Алварез не само во реал туку во било кој друг клуб е возможен само доколку заинтересираната страна е подготвена да плата најмалку 92.000.000 евра.
Алварез во Манчестер сити пристигна од Ривер плата, во јануари 2022 година за сума од 21.400.000 евра.
Досега за Сити одигра 62 натпревари, постигна 23 гола и забележа 10 асистенции. Во тековната сезона Алварез на 14 одиграни натпревари во сите натпреварувања постигна седум гола и забележа пет асистенции.
Тој минатата сезона ја освои тројната круна со Сити, а со Аргентина стана светски првак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Севилја има нов тренер

Аргентинскиот тренер Матијас Алмеида е новиот шеф на стручниот штаб на фудбалскиот клуб Севилја.
Клубот од Андалузија минува низ турбелентен период. Смени седум тренери за три години, а тоа се одрази и на резултатите, бидејќи во тие три сезони, Севиља не беше пласирана подобро од 12-то место, а минатата сезона на две кола пред крајот обезбеди опстанок.
Затоа, не е ни чудо што клубот се одлучи за нов тренер, за Аргентинецот Матијас Алмеида. Еден од најдобрите задни играчи за врска во еден период, кој во богата кариера играше за шампионите Лацио, Парма, Интер, а европската кариера ја започна во Севилја.
Ученикот на Даниел Пасарела ја започна својата тренерска кариера каде што ја започна и заврши својата кариера како игра, во Ривер Плата.
Во меѓувреме, тој ги водеше Банфилд, Гвадалахара, Сан Хозе, а последните три години беше на клупата на АЕК, со кој ја освои двојната круна веќе во првата сезона
Спорт
Пад на гледаноста на натпреварите во Премиер лигата

Две години по ред, Премиер лигата ги рушеше рекордите на гледаност, но тој тренд не продолжи во сезоната која заврши пред еден месец.
Англиските медиуми наведуваат дека главната причина е фактот што немаше неизвесност во борбата за титулата.
Ливерпул го обезбеди првото место во трката со Арсенал прерано, веќе во април. Поранешниот четирикратен шампион по ред Манчестер сити исто така брзо испадна од трката.
Дел од вината оди и кај трите најслаби тимови во лигата: Лестер, Ипсвич и Саутемптон, тие се откажаа прерано, па трката за опстанок беше неинтересна.
Најинтересно беше во борбата за Лигата на шампионите, но не доволно за да се зголеми гледаноста.
Спорт
Тебас: Клупскиот Мундијал е тотален апсурд

Претседателот на Ла Лига, Хавиер Тебас, ги повика челниците на ФИФА да го откажат Светското клупско првенство пред 18 месеци, верувајќи дека „светското фудбалско тело воспостави монопол врз календарот на натпревари со тоа што ги привилегира сопствените натпреварувања“.
Покрај Тебас, многумина се пожалија на густиот распоред, со оглед на тоа што Светското првенство според новиот систем, кое се одржува во Соединетите Американски Држави, започнува 15 дена по завршувањето на Лигата на шампионите и ќе се одржи истовремено со Европското младинско првенство.
Тебас не се предомисли и неколку дена пред почетокот на Светското првенство, го нарече ова натпреварување „тотален апсурд“.
Овој пат тој ја нападна ФИФА, бранејќи двајца претставници од неговата лига, Реал и Атлетико, кои ја претставуваат Шпанија на турнирот со 32 клуба.
„Веќе има контроверзии околу тоа кога Реал и Атлетико ќе го започнат првенството, што го нарушува нашиот вообичаен распоред и е штетно и за нас на среден рок. И одлуката дали овие два клуба ќе го започнат првенството подоцна за да се одморат не е само моја, туку ќе ја донесеме навреме кога ќе видиме како стојат работите“, рече Тебас во интервју за радио „Кадена Копе“.
Според планот и програмата, Ла Лига во сезоната 2025/26 треба да започне на 17 август.
Потоа се пожали на нешто друго:
„Организаторите на турнирот во ниту еден момент не се консултираа со нас, не само за датумите, ништо не не прашаа… Она што го прават е многу штетно за шпанското првенство, ако големи клубови како Реал Мадрид и Атлетико не можат да играат на првиот ден од Ла Лига. Тоа е апсурдно“, заклучи првиот човек на Ла Лига.