Спорт
Сити загуби 2 бода со автогол, „Топчиите“ одиграа 11-та нула сезонава (видео)

Нов чекор назад за Манчестер Сити во одбраната на титулата во Премиерлигата. „Граѓаните“ на својот стадион одиграа само 2-2 против Кристал Палас со свтогол во последните моменти од мечот.
Играчот на Палас Тосун во 40 минута го стиша „Итихад“, погоди за гостински 0-1.
Сити се мачеше речиси цело второ полувреме да ја наметне својата препознатлива игра и да го сврти резултатот.
Тоа му успеа на голгетерот Кун Агуеро. Тој постигна два гола набрзина за целосен пресврт. Првиот во 82, а вториот во 87 минута.
Кога сите на стадионот го очекуваа последниот судиски свиреж, во 90. минута Фернандињо постигна автогол за конечни 2-2.
Екипата на Арсенал повторно одигра само реми, дури 11-то сезонава. На домашен терен бод на „топчиите“ им зеде екипата на Шефилд јунајтед, мечот заврши со резултат 1-1.
Мартинели со гол во првото полувреме донесе предност за Арсенал.
Тој резултат беше активен се до 83 минута кога Флик погоди за конечни 1-1.
На останатите попладневни мечеви во ПЛ беа постигнати следните резултати:
Брајтон-Астон Вила 1-1
Норич-Борнмут 1-0
Саутемптон-Вулверхемптон 2-3
Вест Хем-Евертон 1-1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.