Спорт

Скубе: Барса е еден од најдобрите тимови во ЛШ, но во Келн се е можно

Објавено пред

1 година

- 20 мај, 2019

Од

На 1 јуни во „Ланксес Арена“ во Келн, македонскиот шампион Вардар, шпанска Барселона, унгарски Веспрем и полски Киелце ќе се борат на Ф4 турнирот за насловот шампион на Европа во ракомет за сезоната 2018/2019.

Скопски Вардар за противник во полуфиналето на жрепка ја доби супер-силната Барселона, тимот против кој играше и пред две години, кога со голот на Лука Циндриќ во последните секунди обезбеди влез во големото финале. Потоа Вардар го среди и ПСЖ и стана европски шампион.

Во пресрет на новата полуфинална пресметка меѓу ракометните познаници, еден од најдобрите средни бекови сезонава во ЛШ, Словенецот во „црвено-црн“ дрес, Стаж Скубе (29) во интервју за официјалната страница на ЕХФ порачува:

„Имам важна улога во тимот и доста време поминувам на теренот, што ме прави да се чувствувам одлично во Вардар. Тимот ме прифати брзо и без никаков проблем. Тоа беше важно за мене и за мојата игра во Лигата на шампионите“. По заминувањето на сите играчи, сите очекуваа пад на формата на Вардар. Но, мило ми е што одигравме добро во последните месеци од сезоната, особено во четвртфиналето против ПИК Сегед. Не само јас, туку сите играчи, и поради тоа се изборивме за завршен турнир. Секој играч сонува да игра во Келн, а јас сум пресреќен што ќе бидам дел од „фајнал-форот“ на најдоброто клупско натпреварување во Европа. Се надевам дека тоа ќе биде незаборавно искуство за мене“ – смета Скубе.

Словенецот роден во Ново Место за кого ова ќе биде прв Ф4 турнир во кариерата има само пофални зборови за полуфиналниот противник.

„Противникот во полуфиналето е еден од најдобрите тимови во Лигата на шампионите. Знам дека ќе имаме тешка задача, но земајќи ја предвид мотивацијата и целото шоу во Келн, мислам дека се е возможно. Нашата цел оваа сезона беше титула во СЕХА лигата и пласман на Ф4 во Келн. Сега кога сме таму, ќе се обидеме да ја изненадиме конкуренцијата и да се искачиме на врвот“ – вели брзоногиот бек.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Батистута станува менаџер на Мидлзборо во Чемпионшип!?

Претходно

Скандал во Русија, Бане Ивановиќ не сакал да оди на допинг-тест!

Спорт

Балкански фудбал! Вакво паѓање за пенал не сте виделе!

Објавено пред

1 час

- 25 октомври, 2020

Од

TopSport.mk

Во мечот од романската втора лига помеѓу Петролул и Универзитатеа Крајова ни доаѓа можеби најскандалозно досудениот пенал во историјата на фудбалот.

Гостите водеа со 0:1 во 83. минута, кога напаѓачот на Петролул, Балинт буквално се фрли во шестнаесетникот иако немаше никој до него, а судијата наседна на неговото глумење.

За жал (или за среќа), не падна гол, бидејќи од Белек од пенал ја погоди само стативата, и мечот заврши со 0:1.

So, there is football and then there is ROMANIAN football. The most scandalous penalty decision in the history of football. Absolutely shocking. Fortunately, it was missed by former Watford striker Beleck. pic.twitter.com/uFS07AjSkG
— Emanuel Roşu (@Emishor) October 25, 2020

Прикажи повеќе...

Спорт

Маестралниот Умбер со трофејот од Антверпен

Објавено пред

2 часа

- 25 октомври, 2020

Од

TopSport.mk

Младиот француски тенисер Иго Умбер ја комплетираше фантастичната тениска недела во белгискиот Антверпен со 6:1/7:6(4) победа над Австралиецот Алекс де Минаур за да ја освои својата втора АТП титула во кариерата.

Пред само 24 часа, Умбер мораше да спасува четири меч-топки во маратонското полуфинале против Британецот Даниел Еванс, за во финалето да има речиси совршен меч и на 22 години да има две титули во 2020.

„Ова е дефинитивно една од моите најголеми победи. Да се освои втора титула оваа година против навистина опасен противник е прекрасно. Тенисот понекогаш е луд, како што можеше да се види во полуфиналето. Денеска бев на повисоко ниво“, вели Умбер, кој претходно победи во Оукленд, Нов Зеланд на стартот на годината.

Прикажи повеќе...

Спорт

Тинејџерската ѕвезда Шерки: Ме открија додека играв на паркинг

Објавено пред

3 часа

- 25 октомври, 2020

Од

TopSport.mk

Младиот фудбалер на Лион, Рајан Шерки открива дека неговиот талент бил забележан од еден тренер на Лион кој го гледал како игра фудбал на паркинг.

Шерки стана еден од најпосакуваните млади таленти во Европа откако лани влезе во тимот на Лион на 16 години, а во јули, претседателот на клубот, Жан-Мишел Ола откри дека Манчестер јунајтед и Реал Мадрид биле заинтересирани пред Лион да му го дадат првиот професионален договор.

„Тоа се случи на паркинг. Како и обично, бев надвор со мојата топка, почнав да жонглирам и на среќа налетав на еден тренер на Лион кој ме повика на тест во клубот“, вели Шерки за „Телефут“.

Во август, Шерки влезе во историјата како најмлад фудбалер во Лигата на шампионите, влегувајќи во игра против Баерн Минхен само два дена по неговиот 17-ти роденден. Оваа сезона тој има шест настапи за Лион.

„Јас сум фудбалер кој сакам да играм човек-на-човек, кој сака да оди напред. Од мојата четврта година работам со двете нозе и тоа ми помага“, открива тинејџерот.

Прикажи повеќе...