Френк Камински кариерата ќе ја продолжи во Сакраменто Кингс. Крилниот центар го раскинал договорот со Финикс Санс и како слободен играч договорил едно годишна соработка со Сакраменто.

Камински (27) е второто засилување во рекетот на Сакраменто. Претходно Кинс договорија соработка со центарот Хасан Вајтсајд.

Минатата сезона Камински имаше просек од 9,7 поени и 4,5 скока по натпревар.

Кариерата во НБА ја започнал во 2015 година, како деветти пик избран од Шарлот Хорнетс.

Легендарниот аргентински фудбалер, Диего Армандо Марадона, кој почина во средата е погребан во Буенос Аирес. Илјадници навивачи низ улиците на аргентинската престолнина се простоја со својот идол. Претходно ковчегот со телото на Марадона беше изложен во претседателската палата. Проценките се дека околу 1.000.000 луѓе му го кажале последното збогум на „Ел Пибе“.

Човекот кој ја однесе Аргентина до титулата на Мундијалот во 1986 година е погребан на гробиштата „Бела Виста“, крај своите родители. Марадона е погребан на приватна церемонија, на која присуствувале само членовите на семејството и блиски пријатели.

На погребот биле неговите ќерки Далма и Џанина, од првиот брак на Марадона со Клаудија Вилјафан, како и ќерката Јана која „Ел Пибе“ ја призна како свое дете пред неколку години.

На погребот била и Вероника Охеда, исто така поранешна сопруга на Марадона, со синот Диегито Фернандо.

Во вечното почивалиште Марадона го испратиле и и соиграчите од Светското првенство во Мексико, во 1986 година.

Поради смртта на Марадона, претседателот Алберто Фернандез, прогласи три дневна жалост во земјата.

👋🏻🇦🇷 El cuerpo de Maradona ya descansa en el cementerio argentino de Bella Vista: antes, miles de argentinos quisieron darle la última despedidahttps://t.co/2kavxfv5it pic.twitter.com/vMp5yp0Hn9

— Deportes Cuatro (@DeportesCuatro) November 27, 2020

Хари Винкс, играч на Тотенхем, синоќа против Лудогорец го постигна третиот гол во кариерата. Овој гол англискиот репрезентативец ќе го паменти до крајот на животот.

Во 63 минута, Винкс прими топка на центарот на теренот, сакаше да одигра дијагонала кон Герет Бејл, меѓутоа не ја удри топката онака како што сакаше и таа заврши во голот на Владислав Стојанов.

Реакцијата на Винкс, откако топката заврши во голот, покажа дека немал намера да шутира кон голот на противникот.

Винкс постигна гол од далечина од 49,1 метри. Откако прецизно се мери далечината од која се постигнуваат голови, само два се постигнати од поголема далечина.