Спорт

Солскјер: Овој Ливерпул уште не е меѓу најдобрите во историјата

Објавено пред

1 месец

- 19 јануари, 2020

Од

Менаџерот на Манчестер јунајтед, Оле Гунар Солскјер смета дека сегашниот тим на Ливерпул не е најголемиот тим во историјата на Премиер лигата, посочувајќи го составот на „ѓаволите“ под Сер Алекс Фергусон пред денешното дерби на „Енфилд“.

„Црвените“ се на добар пат да ја освојат лигашката титула првпат од 1990 година, откако Ливерпул го пречекува Јунајтед со 13 поени предност на табелата и натпревар помалку. Солскјер, кој освои шест титули од Премиер лигата и една од Лигата на шампионите под Фергусон вели дека за да се биде меѓу „најголемите“ потребна е долговечност.

„Ако гледате на долги патеки, најдобрите тимови се тие кои го повторуваат успехот сезона по сезона. Никој не доаѓа блиску до Сер Алекс во тој поглед иако јас ќе бидам првиот кој ќе признае дека Јирген Клоп заврши одлична работа во Ливерпул. Во овој момент тој знае што сака секојпат кога ќе излезат на терен иако сме на половина на секунда. Тие имаат 33 победи и 5 ремија во последните 38 меча, тоа е импресивно. Тие би можеле да стигнат до тројната титула оваа сезона, но ќе зборуваме за тоа во мај. Имаат тешки натпревари пред нив“, вели Солскјер.

Клоп пак, ги пофали „ѓаволите“ иако се на петтото место на табелата со пет поени зад Челси, сметајќи дека ќе влезат во ЛШ.

„Тие имаат навистина добар тим, талентиран и искусен. Има многу потенцијал на теренот и мислам дека оваа година ќе влезат во Лигата на шампионите. Секако, би можеле да не победат, но можат да играат толку добро колку што ние ќе им дозволиме. На нашиот стадион треба да го знаат тоа“, изјави Клоп.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Ѓоковиќ е многу загрижен за воздухот во Мелбурн

Претходно

Леброн со шампионска партија за Лејкерси, публиката во Хјустон му се поклони (видео)

Спорт

Хамилтон и Фетел со огромни плати, Расел и Џовинаци ќе возат за „ситно“

Објавено пред

2 часа

- 25 февруари, 2020

Од

TopSport.mk

Луис Хамилтон повторно е најплатениот Формула 1 возач и во сезоната 2020, во која го комплетира својот повеќегодишен богат договор со Мерцедес, тим кому му донесе пет титули во шест години.

Хамилтон ќе заработи 48 милиони евра во 2020, но ниту неговиот ривал од Ферари, Себастијан Фетел нема да помине лошо – тој ќе добие 42 милиони евра. Далеку зад нив двајца на третото место е Даниел Рикардо во Рено, кој ќе добие 18 милиони, а значително зголемување на платата добиваат и Шарл Леклер во Ферари (9 милиони евра) и Макс Ферстапен во Ред бул (16 милиони евра).

Од другата страна, Антонио Џовинаци во Алфа Ромео и Џорџ Расел од Вилијамс ќе бидат најслабоплатените возачи, тие ќе добијат „скромни“ 200.000 евра.

ПЛАТИТЕ НА Ф1 ВОЗАЧИТЕ, 2020

1.Луис Хамилтон (Мерцедес), 48.000.000 евра

2.Себастијан Фетел (Ферари), 42.000.000 евра

3.Даниел Рикардо (Рено), 18.000.000 евра

4.Макс Ферстапен (Ред бул), 16.000.000 евра

5.Шарл Леклер (Ферари), 9.000.000 евра

6.Валтери Ботас (Мерцедес), 7.500.000 евра

7.Кими Раиконен (Алфа Ромео), 4.000.000 евра

8.Карлос Саинс Јуниор (Мекларен), 3.500.000 евра

9.Серхио Перез (Рејсинг поинт) 3.000.000 евра

10.Естебан Окон (Рено), 1.500.000 евра

11.Александер Албон (Ред Бул), 1.200.000 евра

12.Ленс Строл (Рејсинг поинт), 1.000.000 евра

13.Роман Грожан (Хас), 1.000.000 евра

14.Кевин Магнусен (Хас), 1.000.000 евра

15.Пјер Гасли (Алфа таури), 400.000 евра

16.Данил Квјат (Алфа таури), 275.000 евра

17.Лендо Норис (Мекларен), 225.000 евра

18.Антонио Џовинаци (Алфа Ромео), 200.000 евра

19.Џорџ Расел (Вилијамс), 200.000 евра

-.Николас Латифи (Вилијамс), не е откриена сумата

Прикажи повеќе...

Спорт

Бекали: Стеауа игра лошо бидејќи фудбалерите претеруваат со сексот

Објавено пред

2 часа

- 25 февруари, 2020

Од

TopSport.mk

Контроверзниот сопственик на Стеауа (сега официјално ФЦСБ), Џиџи Бекали вели дека поранешниот европски шампион и петта сезона во низа нема да ја освои титулата бидејќи неговите фудбалери имаат премногу секс.

Стеауа, кои беа први европски шампиони од Источна Европа во 1986 година, пред плејофот во лигата се на осум поени од лидерите ЦФР Клуж. По ремито со Киндија Тарговиште, Бекали откри каде е проблемот.

„Моите фудбалери пречесто водат љубов со своите девојки и затоа не играат добро во последно време“, вели Бекали.

Тој како пример ги посочи Клуж, каде што тренер е поранешниот романски репрезентативец и ексфудбалер на Челси, Дан Петреску.

„Видете го Дан. Фудбалерите на ЦФР имаат секс само еднаш неделно, бидејќи тогаш се среќаваат со своите сопруги и девојки. Ако нашиот напаѓач Флоринел Коман реши да одмори малку од сексот, ќе биде поинаку“, додава Бекали.

Бекали не е единствениот кој смета дека фудбалерите мораат да имаат помалку секс, откако неодамна тренерот на Интер, Антонио Конте призна дека на своите фудбалери им дели совети за сексот.

Конте им објаснувал на фудбалерите како да имаат секс!

Прикажи повеќе...

Спорт

Погба: Не сакам Ливерпул да ја освојат титулата!

Објавено пред

4 часа

- 25 февруари, 2020

Од

TopSport.mk

Фудбалерот на Манчестер Јунајтед, Французинот Пол Погба признава дека не му е драго што Ливерпул е толку доминантен сезонава во Премиерлигата. По 27 кола, „црвените“ се убедливо први на табелата со 79 бодови, дури 22 повеќе од второпласираниот Манчестер Сити и само прашање на време кога математички ќе ја обезбедат титулата.

Ливерпул е на добар пат сезоната да ја заврши без пораз и така да го повторат рекордот на Арсенал.

Овие резултати не го радуваат Погба.

„Како играч на Јунајтед и поради ривалството меѓу двата клуба, не сакам да ја освојат титулата, но го почитувам противникот и морам да кажам дека Ливерпул ја заслужува позицијата на која е денес. Оваа сезона се уште подобри од претходната кога ја освоија ЛШ“ – изјави Погба за „ЕСПН“.

„Црвените“ од „Енфилд“ сезонава имаат 26 победи и едно реми, а нерешено одиграа токму против Јунајтед, есеноска на „Олд Трафорд“.

Прикажи повеќе...