Спорт
Солзите на Роналдо по елиминацијата и како Недвед сакаше да им ги скрши главите
Денеска „Амазон“ ја објави првата епизода од серијата „All or Nothing Juventus“ во која се следи сезоната 2020/21 во вид на документарец, почнувајќи од поставувањето на Андреа Пирло како тренер на „старата дама“, но и од шокантната елиминација од Порто во Лигата на шампионите, и реакциите во Италија се огромни.
Најголемо внимание предизвикува дискусијата на Кристијано Роналдо и Хуан Квадрадо во соблекувалната на полувремето од дуелот од осминафиналето на ЛШ против Порто, кога губат со 1:0, откако првиот меч го загубија со 2:1, и кога Роналдо директно им вели на соиграчите дека се „срање“, по што Квадрадо го предупредува да не зборува така, бидејќи тој треба да е пример за сите.
L’échange tendu entre Cuadrado et CR7 à la mi-temps de Juventus Porto :
Cristiano Ronaldo : “On joue comme des merdes encore !”
Cuadrado : “Calme, tu dois être un exemple pour tout le monde”
CR7 : “On ne joue rien, il faut dire la vérité !” pic.twitter.com/otrFpHTyzm
— Gio CR7 (@ArobaseGiovanny) November 25, 2021
Јувентус на крајот го доби тој меч во продолженијата со 3:2, но тоа не беше доволно за пласман во четвртфиналето. Документарецот исто така ја покажува и реакцијата на Роналдо по елиминацијата, кога плаче во соблекувалната.
Cristiano Ronaldo crying after the Champions League with FC Porto. ?pic.twitter.com/Ic4kKT72fN
— CristianoXtra (@CristianoXtra_) November 25, 2021
Еден од најинтересните моменти е кога директорот Павел Недвед порачува дека треба да им се „скршат главите“ на фудбалерите по нивната „арогантна“ реакција при поразот од Беневенто.
„Овие се арогантни, испаднаа од Лигата на шампионите, треба да одиме таму и да им ги скршиме главите“, вели Недвед.
Фабио Паратичи, директорот кој сега замина во Торино инсистира дека фудбалерите не се единствени виновни, но Недведв вика: „Не, само тие се , тие“. Во исто време претседателот на клубот Андреа Ањели и тренерот Андреа Пирло ја гледаат расправијата.
Furia #Nedved: "Ai giocatori bisognerebbe spaccargli la testa": Il documentario "All or Nothing" ha rivelato alcuni retroscena inediti sulla scorsa stagione della Juventus: dopo la sconfitta con il Benevento, il vicepresidente si è sfogato così davanti a… https://t.co/i1umx9jxSM pic.twitter.com/V3qCeUtR3h
— sportlive (@sportli26181512) November 25, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бруно Гимараеш има посебна клаузула во договор која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.
Спорт
Саудискиот нафтен гигант стана глобален партнер на ФИФА
Саудискиот нафтен гигант Арамко ќе стане главен глобален партнер на Меѓународната фудбалска федерација (ФИФА) до крајот на 2027 година, објави ФИФА.
Договорот, чија сума не беше објавена, му овозможува на јавното претпријатие на Саудиска Арабија да стане партнер на ФИФА „со права кои покриваат неколку настани“, вклучително и Светското првенство за мажи во 2026 година и Светското првенство за жени во 2027 година.
Саудиска Арабија, богата со нафта, но често критикувана за кршење на човековите права, веќе неколку години инвестира милијарди долари во спортот.
Инвестирањето во спортот е дел од стратегијата што ја води престолонаследникот Мохамед Бин Салман, како дел од големиот проект „Визија 2023“, чија цел е да го трансформира кралството во земја на бизнис и туризам и да ја намали неговата зависност од нафтата.
„Ова партнерство ќе и помогне на ФИФА успешно да ги испорача своите водечки натпреварувања во следните четири години и, како и сите други наши комерцијални договори, ќе ни овозможи да продолжиме да ги поддржуваме нашите 211 членки низ светот“, рече претседателот на ФИФА, Џани Инфантино.
Спорт
(Видео) На Хезоња му „пукна филмот“, упати жестоки пцовки кон судијата Пукл
Реал Мадрид поведе со 2-0 во четвртфиналната серија против Басконија. Победата 101:90, мина во сенка на исклучувањето на нервозниот Марио Хезоња.
На три минути до крајот на натпреварот, во ситуација кога Реал имаше комотна предност од 93:77, по еден дуел Хезоња се најде на паркетот, побара фаул, не го доби, а потоа почна да му се жали на словенечкиот судија Саша Пукл.
Судијата поради бурниот протест му додели техничка, а откако Хезоња продолжи, му даде уште една.
Хезоња седна на клупата, а кога му покажаа дека мора да ја напушти салата му „пукна филмот“. Тогаш капитенот на хрватската репрезентација испука канонада од навреди кон судијата Пукл.
Една по друга се редеа пцовките кои ги забележа камерата.
Ќе биде интересно да се види каква казна го чека Хезоња со оглед на она што го кажа, а што Пукл сигурно добро го разбра. Прашање е и што судијата внел во записникот.
Expulsion de Mario Hezonja qui a probablement donné des nouvelles du pays aux arbitres ! #EveryGameMatters #SkweekLive pic.twitter.com/8hR3oe8M5K
— The Upset Media (@TheUpset_media) April 25, 2024