Спорт
Сомнително обложување околу жолт картон на играч на Арсенал

Англиската Фудбалска асоцијација (ФА) истражува еден жолт картон добиен од играч на Арсенал во меч од Премиерлигата оваа сезона поради „сомнително“ обложување кај британските букмејкери.
Според „Атлетик“, букмејкерот ја информирал федерацијата дека се поставени „невообичаени“ суми на пари дека засега неименуваниот фудбалер ќе добие жолт картон во текот на мечот.
Вакви индивидуални облози на картони, корнери, изведувачи на аути, претставуваат голем проблем за фудбалските власти, бидејќи тука фудбалерите можат директно да влијаат на исходот на облозите.
Иако името на фудбалерот не се открива, дел од фановите на Интернет се убедени дека се работи за Гранит Џака кој доби жолт картон при 1:4 победата над Лидс, кога на осум минути пред крајот долго време не го изведуваше слободниот удар.
A longer clip of the incident. Nah this is way too suspect IMO. 4-1 up with 8mins to go, players giving him options and he still doesn’t pass the ball ???
— The People’s Champ ??????????? (@TroopzAFC) January 19, 2022
Ова не е првпат да има вако случај во Англија. По пензионирањето, легендата на Саутемптон, Мет Ле Тисие призна дека се договорал со своите пријатели дека тој прв ќе ја исфрли топката во аут на мечот против Вимблдон во 1995 година, но дека ова било спречено откако неговиот соиграч ја сопрел топката. Ова беше пријавено на полицијата, која реши дека нема случај.
Во 2018 година пак, поранешниот фудбалер на Линколн сити, Бредли Вуд доби шестгодишна суспензија откако на своите пријатели им кажал дека ќе добие жолт карто нана ФА мечевите против Ипсвич и Барнли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Собослаи ја одложи промоцијата на Португалија во учесник на СП

Фудбалската репрезентација на Унгарија ја одложи промоцијата на Португалија во учесник на Светското првенство. Вечерва на „ Хозе Алваладе“ стадионот во Лисабон, Португалија и Унгарија ремизираа 2:2.
Промоцијата на Португалија ја одложи играчот на Ливерпул, Доминк Собослаи со голот во 91-та минута.
Португалците ја предводат групата со 10 поени, пет повеќе од Унгарија и сигурно е дека во наредната рунда, во ноември ќе го обезбедат пласманот на планетарната смотра.
Дека „скапо ќе ја продадат кожата“ во Лисабон, Унгарците најавија во осмата минута кога Атила Салаи погоди за 0:1.
Во финишот на полувремето на сцената стапи Кристијано Роналдо и со два гола делириум кај воодушевената публика во Лисабон.
Во исто време, славниот Португалец стана нов рекордер по бројот на голови во квалификациите за Светското првенство. Со овие два гола, тој постигна вкупно 41 гол на 50 квалификациски натпревари и со тоа го престигна Карлос Луиз од Гватемала на листата на стрелци на сите времиња. Трет е уште славен фудбалер, Аргентинецот Лео Меси со 36 гола.
Кристијано Роналдо ја напушти играта во 78-та минута, а како натпреварот се приближуваше кон крајот португалските навивачи почнаа да го слават пласманот на Светското првенство.
Сепак, во судиското надополнување, тие беа шокирани од голот на унгарскиот капитен Доминик Собослај.
Foto/ EPA
Спорт
Сенегал и „Слоновите“ се пласираа на Светското првенство

Фудбалските репрезентации на Сенегал и Брегот на Слоновата Коска обезбедија директен пласман на Светското првенство во последното коло од африканските квалификации. Претходно место на СП од Африка обезбедија Алжир, Тунис, Мароко, Гана, Египет и Зеленорските острови.
Сенегалците ја победија Мавританија со 4:0 во натпреварот од Групата Б и го потврдија првото место што води на Светското првенство.
Најзаслужен за триумфот на Сенегал беше поранешниот играч на Ливерпул, Садио Мане, со два гола, а Илиман Ендиаје од Евертон и Хабиб Дијало постигнаа по еден гол.
Во истата група ДР Конго оствари триумф од 1:0 над Судан и го освои второто место, кое, како една од четирите најдобри второпласирани репрезентации во квалификациите, го води во плејофот.
Гол за пласман во баражот го постигна напаѓачот на Спартак Москва, Тео Бонгонда.
Брегот на Слоновата Коска славеше над Кенија со Кенија со 3:0 и го остави зад себе Габон во Групата Ф.
Головите за „слоновите“ ги постигнаа Франк Кеси, Јан Диоманде и Амад Дијало.
Габон ќе оди во плејофот откако вечерва го победи Бурунди со 2:0 благодарение на головите на Брајан Енгу и Марио Лемина на крајот од натпреварот.
Сега во африканските квалификации, нè очекува бараж во кој се пласираа Габон, ДР Конго, Камерун и Нигерија.
Само еден од нив продолжува во интерконтиненталниот бараж каде што ќе бидат и Боливија, Нова Каледонија, две селекции од Северна Америка и една од Азија.
Од тој бараж, само две селекции ќе се пласираат на Светското првенство.
Спорт
(Видео) Англија прва од Европа избори пласман на СП, Србија прими гол од центар па ја победи Андора

Фудбалската репрезентација на Англија прва од Европа избори место на Светското првенство. Англија пукна петарда во Латвија, на две кола до крајот има 18 поени во групата, седум повеќе од Албанија и осум од Србија, која се мачеше во Андора, но победи со 3.1.
Англија ја покажа класата во К групата, шест натпревари исто толку победи и гол разлика 18:0. Вечерва во Рига избраниците на Томас Тухел славеа со 5:0.
Серијата ја отвори Ентони горсон во 26-та минута, а до крајот на полувремето два гола постигна Хари Кејн. Во вториот дел авто-гол си постигна Тонишевс, а точка на мечот стави Езе во 86-та минута.
Во оваа група Србија некако успеа да победи во Андора. Србите се уште се во шок по поразот од Албанија, во саботата и заминувањето на селекторот Стојковиќ.
Дополнителен шок доживеаја во 17-та минута кога Гарсија, со спектакуларен гол, од половина терен и донесе предност на Андора.
Србите веќе во следниот напад изедначија во авто-голот на Гарсија. Во вториот дел погодија Влаховиќ во 54-та и Митровиќ од пенал во 77-та минута.
Foto/ EPA