Спорт
„Специјалниот“ е насмеан бидејќи поминале 40 дена без интервју!

Жозе Мурињо секогаш знае да изненади и интересно да ја пренесе ситуацијата до медиумите и навивачите и тоа беше случај со неговиот последен пост на Инстаграм на кој вели дека е насмеан бидејќи имал рекордни 40 дена без да даде интервју.
Поранешниот тренер на Челси, Интер, Реал Мадрид, Манчестер јунајтед и Тотенхем ја презеде Рома ова лето од Пауло Фонсека и очигледно уживал во предсезоната.
„Насмеан сум бидејќи имав рекорд од 40 дена без интервјуа. Фантастично време во кое се фокусирав само на работа и ги заборавив моите пријатели меѓу новинарите. Денеска беше денот, кога ова заврши и имав интервју за официјалниот веб-сајт на Рома и ќе може да го погледнете утре. Ништо многу интересно, да бидам искрен. Го сакам печатот, многу ми недостасуваа“, напиша Мурињо.
Сезоната во Серија А почнува овој викенд, така што ќе биде интересно да се види дали ќе остане насмевката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Две лица загинаа на рели

Двајца гледачи загинаа, а еден беше тешко повреден во несреќа што се случи за време на релито во Пуи-де-Дом во Франција.
Француската полиција објави дека за време на релито во близина на Амберт во централна Франција, еден од автомобилите излетал од патеката и удрил во гледачите.
Две лица загинале на лице место, а еден гледач бил тешко повреден и префрлен со хеликоптер во локална болница.
„Несреќата се случила околу 10:30 часот наутро во Ле Крос. Автомобилот излетал од патот. Две лица загинале, едно е префрлено со хеликоптер во болница. Другото лице, возачот на автомобилот, претрпел полесни повреди и е префрлен во болницата Амберт. Седум други лица претрпеле шок, но не се повредени“, објавија организаторите.
Фото/ Принскрин
Спорт
(Видео) Рашфорд одигра 33 минути на дебито за Барселона

Фудбалерите на Барселона го победија Висел Кобе со 3:1 во пријателски натпревар во Јапонија, а Маркус Рашфорд дебтираше за шпанскиот тим.
Рашфорд се приклучи на Барселона како позајмен играч од Манчестер јунајтед минатата недела. Англичанецот влезе во игра на почетокот на второто полувреме.
Интересно е што тој одигра само 33 минути, сè до 78-та минута кога беше заменет од Дро Фернандес, кој го постигна третиот гол во 87-та минута.
Барселона поведе во 33-та минута кога Ерик Гарсија постигна гол, а Таисеи Мијаширо израмни десет минути подоцна.
Водството на Барселона го врати Руни Барги во 77-та минута, пред Фернандес да го постави конечниот резултат.
Натпреварот требаше да се игра на почетокот на неделата, но беше одложен бидејќи Барселона го обвини промотерот за сериозно прекршување на договорот.
Фото/ Принскрин
Спорт
Пјастри го победи Норис во Белгија

Оскар Пјастри е победник на трката за Големата награда на Белгија. До осмата победа во кариерата, Австралиецот дојде пред тимскиот колега, Кандон Норис, кој започна од пол-позицијата и возачот на Ферари, Шарл Леклер.
Траката во Белгија доцнеше 76 минути поради силниот дожд, започна зад возилото за безбедност, а кога по два круга возачите добија дозвола да се тркаат, во првиот круг Пјастри го нападна Норис ја презеде лидерската позиција и победи.
До крајот на трката немаше возбудувања, Леклер успеа да се одбрани од Макс Ферстапен, кој немаше проблем со Џорџ Расел. Шестото место му припадна на Алекс Албон од Вилијамс.
Луис Хамилтон успеа од 18.место и старт од пит-стопот да дојде до седмата позиција.
Бодови во Белгија освоија Лијам Лосон (Рејсрнг Булс), Габриел Бортолето (Кик Заубер) и
Пјер Гасли (Алпин).
Пјастри по оваа трка ја зголеми предноста во генералниот пласман во однос на Норис на 16 поени.
Наредната недела на програмата е Големата награда на Унгарија.
Фото/ Принскрин