Спорт
(Видео) Спектакл на Сардинија – Фросиноне водеше 0:3, Каљари победи со два гола во надополнувањето на времето
Фудбалерите на Каљари и Фросиноне го одиграа најатрактивниот натпревар од почетокот на сезоната во Серија А.
Каљари победи со 4:3 и покрај тоа што во 49. минута губеше со 0:3. Лудиот пресврт го креираше Леонардо Паволети, со два гола во судиското надополнување на времето.
Тимот предводен од легендарниот Клаудио Раниери е на претпоследната 20-та позиција со шест бода, но денеска се покажа дека може се и дека опстанокот не треба да се доведува во прашање.
Шокираниот Фросиноне е 12-ти со 12 поени.
Матијас Соле постигна гол во 23. минута, по додавањето на Рајнер. Најдобрата можна шанса да се врати во натпреварот Каљари ја имаше во 30. минута, но Манкоса рпромаши пенал.
Казната стигна во 37. минута, а повторно главни улоги беа Бразилецот и Аргентинецот од Фросиноне. Втората асистенција ја забележва Рајнер, а вториот гол го постигна Соле.
Во 49. минута Брешанини го постигна третиот гол за Фросиноне.
Сепак, Каљари не се предаде и покрај огромната негатива, нападна со сите сили, Ористанио во 72. минута намали на 1:3, а четири минути подоцна Турати го совлада Макамба, за 2:3 и делириум на стадионот.
А потоа лудница во периодот од 94. до 96.минута, во режија на Леонардо Паволети. Искусниот напаѓач постигна два гола за целосен пресврт и победа на Каљари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.