Спорт
Стам: Фергусон ми кажа дека ме продадоа на бензинска пумпа
Поранешниот холандски репрезентативец Јап Стам открива дека Дејвид Бекам се обидел да интервенира да ја спречи продажбата на бекот на Лацио во 2001 година.
Стам, кој беше на „Олд Трафорд“ од 1998 до 2001 беше еден од најдобрите централни бекови во својата генерација, но беше продаден откако контроверзни цитати од неговата автобиографија беа објавени во весникот „Дејли мирор“.
„Само што пристигнав во Рим, добив повик од Дејвид Бекам. Во тимот зборувале за мојата продажба и сметале дека треба да останам во тимот и никој не го очекувал тоа. Беше убаво да се чуе тоа од него, но во таа ситуација беше подобро да заминам“, вели Стам, кој сега е тренер на американскиот МЛС тим, Синсинати.
Холанѓанецот открива дека страдал по објавувањето на деловите од неговата биографија.
„Кога еден весник купува права да издаде делови од книга, тие си измислуваат свои наслови и тоа многу ми пречеше. Имав многу бессони ноќи размислувајќи што ќе се појави следниот ден. На почетокот, Фергусон ми кажа да не се грижам, но подоцна ми беше известено дека тренерот не среќен од објавеното. Една недела подоцна, тој не ме пушти да играм против Блекбурн, и истата недела ми се јави агентот да ми каже дека ме продаваат. Минути подоцна ми се јави Фергусон и ме праша каде сум, и бев на бензинска пумпа, каде што и тој пристигна. Влезе во мојот автомобил и ми кажа дека клубот прифатил понуда од Лацио. Тоа беше вистински шок“, вели Стам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.