Спорт
Старт од соништата на Емери, Јунајтед „падна“ кај Вила, Њукасл моќни кај Саутемптон
Унаи Емери се покажа како „кошмар“ за Манчестер јунајтед, откако во својот прв меч на клупата на Астон вила ја прекина серијата без пораз на „ѓаволите“ со фантастична 3:1 победа. Од друга страна, Њукасл се искачи на третото место на табелата во Премиерлигата по уште една солидна партија и 4:1 победа на гости кај Саутемптон.
Ерик Тен Хаг се „смири“ со Кристијано Роналдо, поставувјќи го Португалецот како капитен на „Вила парк“, но стартот беше кошмарен за гостите. Леон Бејли во седмата минута ја искористи конфузијата во одбраната на Јунајтед за рано водство, за веќе во 11. минута да биде 2:0 откако Лукас Дињ постигна прекрасен гол од слободен удар.
Надежи за камбек донесе Лук Шо во финишот на првото полувреме, кога со помош на фудбалерот од средниот ред на Вила, Џејкоб Ремзи намали на 2:1. Но, кога требаше да се вратат, Јунајтед повторно примија лесен гол во 49. минута токму преку Ремзи, кој се оправда по автоголот.
На „Сент Мерис“ пак, тимот на Еди Хау повторно беше импресивен. Мигуел Алмирон ја продолжи неверојатната сезона со нов гол во 35. минута, а победата беше потврдена експресно во второто полувреме преку Вуд (58.) и Вилок (62.). Роман Перо во 89. минута намали на 1:3, за Бруно Гимараеш да ги постави конечните 1:4 во 91. минута.
ПРЕМИЕРЛИГА, 15.КОЛО
Астон вила – Манчестер јунајтед 3:1
Саутемптон – Њукасл 1:4
Вест хем – Кристал палас 1:2
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-1-41886”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).