Јута Џез, по 35 години, доби нов сопственик. Гејл Милер реши франшизата да му ја продаде на Рајан Смит. Сопственикот на компанијата „Квалтиркс“ за Јута Џез плати 1.660.000.000 долари.

Сопругот на Гејл, Лери Милер, во 1985 година за сума од 9.500.000 долари стана сопственик на 50 отсто од акциите на Јута Џез. Една година подоцна го откупи преостанатиот дел од акциите за 20.000.000 долари и стана сосптвеник на франшизата.

Милијардерот Лери Милер почина во 2009 година, а франшизата им ја остави во наследство на членовите на семејството.

Новиот сопственик Рајан Смит е роден во државата Јута, што е доволна гаранција дека франшизата ќе остане во Солт Лејк Сити.

Јута Џез никогаш не бил шампион во НБА-лигата. Најблиску до шампионската титула франшизата беше во 1997 и 1998 година, но тандемот Карл Мелоун и Џонс Стоктон не успеа да ги победи Мајкл Џордан и Чикаго Булс.

Поранешниот менаџер на Арсенал, Арсен Венгер, остро реагира на најавите за можното основање на европската Суперлига. Венгер смета дека зад оваа идеа се крие непријателство кон англиската Премиер лига.

„Премиер лигата е надмоќна. Другите првенства сакаат да ја уништат таа надмоќ. Најдобро тоа ќе го направат со креирањето на европската Сулерлига. Тоа сигурно ќе ја уништи Премиер лигата на Англија“, рекол Венгер и дополнил:

„Доколку креаторите на новата лига добијат дозвола од англиските клубови, таа навистина ќе биде основана“.

На новинарско прашање дали Суперлигата е само финансиски проект, Венгер одговорил.

„Тоа е и фудбалски проект, но се наоѓаме во ера во која сопствениците на клубовите воедно се и инвеститори. А првата цел на инвеститорот е да генерира уште повеќе пари. Суперигата од таа перспектива можеби е само начин да се заработат повеќе пари“, заклучил Венгер.

Јувентус и Барселона синоќа го одиграа дербито во второто коло, во Лигата на шампионите. Барселона победи со 2:0, со головите на Дембеле и Меси од пенал. Во текот на дербито свој „натпревар“ имаа и администраторите на Твитер профилите, на двата тима.

Каталонците во текот на мечот испратија провокација, која се однесуваше на неиграњето на Кристијано Роналдо.

„Многу ни е драго што имате можност да го гледате најдобриот на сите времиња на вашиот терен“.

We are glad you were able to see the 🐐 on your pitch, @juventusfcen! 😘 pic.twitter.com/yh74wh0lNJ

— FC Barcelona (@FCBarcelona) October 28, 2020

Администраторот на Јувентус експресно одговори на провокацијата.

„Сигурно сте го отвориле погрешниот речник, најдобриот на сите времиња ќе ви го донесема на Ноу Камп“.

We are glad you were able to see the 🐐 on your pitch, @juventusfcen! 😘 pic.twitter.com/yh74wh0lNJ

— FC Barcelona (@FCBarcelona) October 28, 2020

Овие меѓусебни провокации беа доволни да започне нова дебата на социјалните мрежи, околу тоа кој е најдобриот фудбалер на сите времиња.