Спорт
Стоичков: Претседателот и тренерот се виновни за неуспешната сезона

Легендата на Барселона Христо Сотичков упатил остри критики кон челните луѓе на клубот и тренерот Кике Сетиен, поради неуспешната сезона што клубот ја имаше во Ла Лига.
„Зошто Барселона не успеа да ја освои титулата? Поради просечниот тренер и неговиот помошник кои немаат победнички менталитет“, рекол најдобриот бугарски фудбалер на сите времиња.
Сепак тој смета дека најголем виновник за она што и се случи на Барселона е претседателот Џозеп Марија Бартомеу. Според него клубот направил грешка кога му врачил отказ на Ернесто Валверде, а на неговото место го постави Сетиен.
„Ги избрка Валверде во моментот кога беше прв во Ла Лига. Зошто не го избрка по поразот во Рим од 3:0 или поразот во Ливерпул 4:0 или поради поразот од Валенсија во финалето во Купот на Кралот? Знаете што ме загрижува? Потрошија милијарда евра и ништо не освоија“, рекол Стоичков.
Единствена шанса за Барселона да освои титула оваа сезона е Лигата на шампионите. Во осмина-финалето противник им е Наполи, реваншот се игра на 7 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.