Спорт
Судиите кои го оштетија Вардар суспендирани до крајот на сезоната
Судиите кои го оштетија Вардар во вчерашниот пораз против Гостивар (2:1), Влатко Илиоски, Зоран Косотски и Марјан Смилкоски, се суспендирани до крајот на сезоната. Во анализата што ја направи Судиската комисија на ФФМ,утврдени се неколку големи грешки на штета на Вардар. Поништен е регуларен гол за Вардар, непоравдано е досуден пенал за Гостивар, а Вардар е „скратен“ при акција за гол и досуден е непостоечки офсајд.
Во продолжение, комплетната анализа од Судиската комисија на ФФМ.
Судиска комисија во рамки на Фудбалската федерација на Македонија ги разгледа спорните моменти од 22. коло на 2 МФЛ – ЗАПАД и ги донесе следните заклучоци: На натпреварот ФК ГОСТИВАР – ФК ВАРДАР одигран на 09.04.2022 година, анализирани се ситуациите во 4, 8, 33, 42 и 45+2 минута.
Главен судија: Илиоски Влатко; Помошни судии: Костоски Зоран и Смилкоски Марјан;
ПОГРЕШНА ПРОЦЕНКА НА ГЛАВНИОТ СУДИЈА (досудено слободен удар).
По еден изведен корнер за екипата на Вардар, играч на Вардар постигнува гол со удар со глава, главниот судија го поништува голот и неоправдано досудува прекршок врз голманот на домашната екипа.
ДОБРА ПРОЦЕНКА НА ПРВИОТ ПОМОШЕН СУДИЈА (досудено офсајд позиција)
При напад на домашната екипа, играч на Гостивар постигнува гол кој оправдано е поништен поради офсајд позиција, играчот на Гостивар во момент на додавање на топката е понапред од претпоследниот играч од одбраната на Вардар.
ДОБРА ПРОЦЕНКА НА ГЛАВНИОТ СУДИЈА (не досудено удар од 11 метри)
Играч од одбраната на Вардар и играч од нападот на Гостивар се во дуел, одбранбениот играч на Вардар ја одбива топката пред напаѓачот на Гостивар, исправна одлука на главниот судија играта да продолжи, (нема прекршок за 11 метри).
ПОГРЕШНА ПРОЦЕНКА НА ГЛАВНИОТ СУДИЈА (досудено удар од 11 метри)
Играч на Гостивар додаде топка до соиграч кој беше во шеснаесетникот на Вардар, во моментот на примање на топката двата противнички играчи се статични и доаѓа до еден дуел каде има минимален контакт недоволен за прекршок, главниот судија неоправдано покажа удар од 11 метри за домашната екипа, по кој домашните израмнија на 1:1
ПОГРЕШНА ПРОЦЕНКА НА ВТОРИОТ ПОМОШЕН СУДИЈА И ГЛАВНИОТ СУДИЈА (досудено офсајд позиција)
Вториот помошен судија занесен во играта заборава дека во шеснаесетникот на Гостивар останува претпоследниот одбранбен играч на Гостивар и напаѓач на Вардар и се рамни со вториот претпоследен играч од ФК Гостивар кој е 10-15 метри понапред од претпоследниот, при тоа се додава топка до напаѓач на ФК Вардар кој е во дозволена позиција, а помошниот судија неоправдано го подига знаменцето и рекламира офсајд и е неоправдано прифатен од страна на главниот судија. Погрешна одлука на двајцата судии во овој момент.
ПОСЛЕ НАПРАВЕНАТА АНАЛИЗА ОД ОВОЈ МЕЧ, ГЛАВНИОТ СУДИЈА И ВТОРИОТ ПОМОШЕН СУДИЈА СЕ СУСПЕНДИРААТ ДО КРАЈОТ НА СЕЗОНАТА И НЕМА ДА БИДАТ ДЕЛЕГИРАНИ НА НАТПРЕВАРИТЕ ОД 1. И 2. МФЛ.
На натпреварот ФК КАДИНО – ФК ВОСКА одигран на 09.04.2022, анализирани се две ситуации, во 35 и 64 минута.
Главен судија: Фуркан Идризи; Помошни судии: Јовчески Дарко и Идризи Идриз;
ДОБРА ПРОЦЕНКА НА ГЛАВНИОТ СУДИЈА (досуден удар од 11 метра)
Играч од одбраната на ФК Кадино во вртење сакајќи да ја избие топката ја промашува и неспретно со интензитет го удира напаѓачот во сопствениот шеснаесетник (исправно досуден удар од 11 метри).
ПОГРЕШНА ПРОЦЕНКА НА ГЛАВНИОТ СУДИЈА (не досуден удар од 11 метри)
Играч од нападот на Кадино беше во посед на топката, странично во шеснаесетникот на Воска. Од зад грб со интензитет и без да има шанса да игра со топката на него стартуваше одбранбен играч на Воска и со лактот го турна во пределот на грбот. Погрешна процена на судијата што дозволи играта да продолжи, во оваа ситуација мора да се досуди удар од 11 метри.
На натпреварот ФК ВЕЛЕШТА – ФК СИЛЕКС одигран на 09.04.2022, анализирана е ситуацијата во 67. минута.
Главен судија: Ѓуровски Кристијан; Помошни судии: Ивановски Бојан и Соклевска Елена;
ДОБРА ПРОЦЕНКА НА ГЛАВНИОТ СУДИЈА (доделен црвен картон)
При еден недозволен старт од играчот со бр.4 на екипата на Велешта оправдано му беше доделен жолт картон, истиот играч незадоволен од одлуката, неспортски реагира и го плука главниот судија, кој потоа оправдано му доделува црвен картон за неспортски однос (плукање). Исправна одлука на главниот судија. Судиската комисија ги разгледа спорните моменти од 22. коло на 2. МФЛ – исток и ги донесе следните заклучоци:
На натпреварот ФК ДЕТОНИТ – ФК КОЖУФ одигран на 09.04.2022, анализирама е ситуацијата од 90+1 минута. Главен судија: Крумислав Ѓорѓиев; Помошни судии: Зоран Саздовски и Александар Гигов;
ДОБРА ПРОЦЕНКА НА СУДИЈАТА (досуден удар од 11 метри).
Играч на Кожуф центрира топка во шеснаесетникот на Детонит, голманот на Детонит ја одбива топката со раце и доаѓа до играч од нападот на Кожуф, кој пред да ја шутне топката несмасно и со интензитет е соборен од одбранбениот играч на ФК Детонит. Исправна одлука на судијата што досуди удар од 11 метри без дисциплинска мерка, бидејки е странично (со лице свртен кон пом.суд.) и не е во ветувачка позиција.
Напомена: Анализата од натпреварот ФК КАМЕНИЦА САСА – ФК КИТ ГО ќе биде објавена на 11.04.2022.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.