Спорт
Судиската организација на РФМ бара извинување од РК Вардар 1961 за неоснованиот притисок пред дербито
Пред натпреварот од првото коло на Суперлигата меѓу Вардар 1961 и Еурофарм Пелистер, директорот на Вардар 1961, Борко Ристовски ги нападна судиите во македонското првенство и најави дека клубот е подготвен да побара интернационални судии за следните натпревари.
Здружението на судии на РФМ побара јавно извинување поради неоснованиот притисок.
„Почитувани, спортски љубители на ракометот,
Со чудење ја прочитавме последната изјава на извршниот директор на РК Вардар 1961, Борко Ристовски и сакаме по истата да се произнесеме, бидејќи дирекно бевме посочени како главни виновници за успехот или неуспехот на одредени екипи. Пред да го искажеме нашиот став околу неговата изјава дозволете да се навратиме на неколку битни моменти околу целата судиска организација која е ценета од сите европски и светски организации со тоа што од самото оформување па се до ден денешен нејзините членови се учесници на сите врвни натпреварувања.
Почнувајки од плеадата судиски парови од постарата генерација предводена од Марјан и Драган Начевски како и денешната генерација предводена од Ѓорѓи Начевски и Славе Николов, како и другите шест меѓународни парови некои од нив исто така се здобија и со ИХФ знакот и да не ги заборавиме и огромниот број судии кои ја делат правдата на натпреварите во домашното првенство.
За да не одземаме време со набројување на сите важни учества на нашите членови ќе наброиме само неколку учества на Олимписки игри, Светски и Европски првенства како и на континенталните Купови независно во женска или машка конкуренција.
Некои од нив имаа и можност да ја делат правдата и во други првенства со што кажува за квалитетот и реномето на македонските судии, да денес некој се дрзне да бара судии од странство за кои многупати сме слушнале и прочитале од истиот клуб дека биле оштетени во некој од европските Купови. Бидејќи нашето реноме како организација е почитувано и докажано на сите полиња нема да дозволиме да се нарушува имиџот и реномето на истата од било кој поединец или спортски субјект. За таа цел ќе поставиме контра теза на трвдењата на извршниот директор на РК Вардар 1961.
Дали некој се запрашал во РК Вардар 1961 како со истите овие судии изминатите години го освоил 15 првенствени титули и 15 титули во Купот на македонија како и три или четири титули во Суперкупот?
Дали откако се загуби приматот во првенството, но не и во Купот и Суперкупот и истите тие судии од страна на рк Вардар заслужуваат да бидат посочени како главни виновници за успехот или неуспехот на некој клубови или сето ова доаѓа како добро смислено сценарио како притисок на службените лица на престојниот дерби натпревар и престојното првенство?
Ако управата на РК Вардар 1961 е сè уште на истиот став и не се извини на судиската организација, ние сме спремни да го удостоиме барањето на РК Вардар 1961 на натпреварите од домашното првенство и да не бидеме службени лица, меѓутоа оваа одлука ќе важи за сите натпревари на РК Вардар 1961 во домашното првенство, а не само на оние кои тие ќе побараат.
Спортски поздрав,
Здружение на ракометни судии на Македонија“.
Вардар 1961 и Еурофарм Пелистер ќе играат в недела од 19:45 часот во СЦ „Јане Сандански“ во Скопје.
Фото: www.rkvardar.com.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.