Спорт
Сунес: Салах е најсебичниот фудбалер на светот

Легендата на Ливерпул, Греем Сунес го оцени Мохамед Салах како „гол машина“ и можеби најдобриот фудбалер на светот во моментов, но исто така посочи дека Египќанецот е „најсебичниот фудбалер“ кого тој имал шанса да го гледа.
Салах од пристигнувањето во Ливерпул од Рома во 2017 има 137 гола во 214 настапи за „црвените“, од кои 13 гола се оваа сезона. Сунес го цени тоа, но вели дека бројките се такви поради себичноста во шестнаесетникот.
„Се согласувам со Јирген Клоп дека Мохамед Салах е најдобриот фудбалер на светот оваа сезона. Но, исто така е и најалчниот фудбалер кого сум имал шанса да го видам. Сите кои се на врвот имаат таков фактор, но тој е екстремно себичен. Личните достигнувања му се важни и затоа шутира од секоја позиција, нешто што ги нервира неговите соиграчи, посебно Мане. Другите го прифаќаат тоа бидејќи е толку добар. Или дава голови или ги става на мака голманите, и затоа е тешко да го критикуваш. Тоа можеби за него е и комлимент, но гол-машина е поради неговата себичност“, вели Сунес во колумна за „Тајмс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дресот на Шилтон од мечот со Аргентина е на аукција

Дресот што го носеше голманот на Англија, Питер Шилтон, на славниот натпревар од четвртфиналето на Светското првенство во 1986 година против Аргентина, кој остана запаметен по „Божјата рака“ на Диего Марадона, ќе биде продаден на аукција, објавува Би-Би-Си.
Почетната цена е поставена на 300.000 фунти.
Натпреварот помеѓу Англија и Аргентина, во кој Диего Марадона постигна гол со левата рака и со тоа му даде предност на својот тим, е еден од најпознатите во историјата.
По „Божјата рака“, само четири минути подоцна, Марадона постигна еден од најубавите голови, тој тргна од својата половина, ги издрибла речиси сите англиски играчи и ја затресе мрежата.
Дресот на Марадона од овој натпревар беше продаден на аукција во мај 2020 година за 7,1 милиони фунти.
Кога подоцна беше прашан дали измамил, Мардона одговори во свој стил:
„Беше малку глава на Марадона, малку Божја рака“.
Дресот на Шилтон е ставен на аукција од приватен колекционер од Обединетото Кралство, а се очекува аукцијата да се одржи следната година, непосредно пред финалето на Светското првенство.
Фото/Принтскрин
Спорт
(Видео) Арнаутовиќ пристигна во Белград, го пречекаа навивачите на Црвена звезда

Марко Арнаутовиќ, искусениот австриски репрезентативец од српско потекло, стана нов напаѓач на Црвена звезда. По неколку недели преговори предводени од генералниот менаџер на Звезда, Звездан Терзиќ, со Арнаутовиќ и неговиот брат Даниел, постигнат е договор за двегодишен договор.
Доаѓањето на овој напаѓач, кој минатата сезона играше за Интер и постигна седум гола на 28 натпревари, веќе е прогласено за еден од најголемите трансфери во поновата историја на клубот и голем чекор напред во неговите амбиции за европски предизвици.
Звезда е актуелен шампион на Србија, ја освои титулата убедливо пред второпласираниот Партизан.
Арнаутовиќ пристигна во Белград, а навивачите го пречекаа во голем број на аеродромот и ентузијастички скандираа откако се појави пред нив во друштво на Терзиќ.
AAAAAAAAAAAAAAAAAAAAAA pic.twitter.com/2TrfY6BPF0
— pure (@puresrb) July 21, 2025
Во Црвена звезда, Арнаутовиќ ќе го носи бројот 89, што ја симболизира неговата година на раѓање и основањето на навивачката група на Црвена звезда, „Делије“. Според медиумите Арнаутовиќ потпиша две годишен договор, а чпо сезона ќе заработува 2,5 милиони евра.
Во својата кариера, Арнаутовиќ ги носеше дресовите на клубови како Твенте, Вердер, Стоук, Вест Хем јунајтед, Шангај Порт, Болоња и Интер, а за австриската репрезентација одигра 125 пати и постигна 41 гол.
Фото/ Принтскрин
Спорт
Крис Пол се врати во Лос Анџелес

Американскиот кошаркар Крис Пол се врати во Лос Анџелес Клиперс.
Како што објави Шамс Чаранија, Пол размислуваше помеѓу повеќе понуди, но на крајот ги избра Клиперс.
40-годишниот Пол така се врати во Лос Анџелес по осум години. о меѓувреме играше за Хјустон, Оклахома, Финикс, Голден Стејт и Сан Антонио. Пред Клиперс, тој играше и за Њу Орлеанс Пеликанс.
Се претпоставува дека ова ќе биде последната сезона во кариерата на дванаесеткратниот Ол-стар играч, а договорот што ќе го потпише ќе биде едногодишен, со вредност од 3,6 милиони долари.
Крис Пол е далеку од својот врв, но неговото присуство ќе им значи на Клиперс во нивната потрага по титулата и ќе му помогне на Џејмс Харден во должностите на организатор на играта.
Во својот прв престој во оваа франшиза, каде што играше од 2011 до 2027 година, тој беше исклучителен со 18,8 поени, 9,8 асистенции и 2,2 украдени топки по натпревар. Тој беше петкратен член на Ол-НБА тимот и Ол-стар играч.
Фото/ Принтскрин